Слика од славниот Пабло Пикасо од 1919 година исчезнала при транспорт кон Гранада, каде што требало да биде изложена на привремена изложба, соопшти фондацијата што ја организира изложбата.
Фондацијата CajaGranada доцна во четврток вечерта соопшти дека исчезнатата слика, мала врамена гваш со наслов „Мртва природа со гитара“, била дел од поголема пратка уметнички дела што се транспортирале од Мадрид до андалузискиот град за изложба насловена како „Мртва природа. Вечноста на неподвижното“.
Фондацијата потврди во петокот дека сликата, во сопственост на приватен колекционер и со димензии 13 на 10 сантиметри, била осигурана за проценета вредност од 600.000 евра.
Пакетот бил доставен до Културниот центар CajaGranada на 3-ти октомври. Исчезнувањето на сликата било откриено дури во понеделник, кога кураторот на изложбата почнал да ги отвора сандаците.
Фондацијата соопшти дека ги прегледала безбедносните снимки од тој викенд и потврдила дека во тој период не се случил никаков инцидент.
Откако открила дека сликата е исчезната, фондацијата поднела жалба до полицијата, која отворила истрага.
Слични новости
Откриена галаксија слична на Млечниот пат стара 12 милијарди години
Индиските астрономи открија масивна галаксија слична на Млечниот пат која е стара околу 12 милијарди години, пренесе Би Би Си. Таа е голема колку една третина од млечниот пат и содржи околу 10 милијарди ѕвезди
Скарлет Јохансон во завршни преговори за да игра во новиот Бетмен
По четири години кога за последен пат играше во филм со стрип јунаците на Марвел Скарлет Јохансон е на чекор да се врати во Готам. Како што известуваат холивудските медиуми, таа е во завршни преговори за да игра во Бетмен 2, секвелот на хитот на Мат Ривс од 2021
Лондонската божикна елка која традиционално ја поклонува Норвешка, вечерва ќе биде осветлена на Трафалгар
Елката симболизира пријателство меѓу Лондон и Осло во церемонија која потсетува на историјата на сојузништво меѓу двете земји. Овогодишната елка наречена „Вечниот Осло“ е висока околу 20 метри и е стара 60 години.