Иранските сили отворија оган врз брод со контејнери во близина на брегот на Оман, при што е оштетен командниот мост, но екипажот е безбеден, соопшти Агенцијата за поморски трговски операции на Обединетото Кралство.
Инцидентот се случува време кога претседателот на САД го продолжи примирјето со Техеран, иако часови претходно најавуваше воена акција врз Иран.
Иранската страна тврди дека дејствувала бидејќи бродот не ги почитувал сигналите. „Војската спроведе морски закон откако бродот ги игнорираше предупредувањата“, соопшти агенцијата Тасним.
Од друга страна, според британската поморска агенција УКМТО, капетанот пријавил дека ирански воен брод се приближил и отворил оган. Според британските информации, бродот претрпел значителна штета.
Претходно денеска, Иран нападна уште еден товарен брод во Ормутскиот теснец кој бил принуден да запре со пловидбата.
Стотици бродови остануваат блокирани во регионот. Ризиците за поморскиот сообраќај растат.
Слични новости
Израел соопшти дека ја продолжува војната во Либан против Хезболах
Начелникот на генералштабот на Одбранбените сили на Израел генерал Ејал Замир денеска изјави дека борбата против Хезболах во Либан е примарната зона на неговата војска.
Историски пад на довербата на Американците во Британија
Мнозинството Британци сметаат дека САД се „негативна сила во светот“, покажа новата анкета на агенцијата „Паблик Фирст“, спроведена за Лондоснката конференција за одбрана.
Вашингтон ја менува политиката на санкции
Американските медиуми објавуваат дека се очекува американската администрација неделава да ги продолжи ублажувањата на снакциите за руската нафта.