Иран го отфрли американскиот предлог за 48-часовен прекин на огнот, а преговорите меѓу двете страни, кои требаше да се одржат во Пакистан, дојдоа во целосен ќорсокак.
Иранската новинска агенција Фарс објави дека Техеран категорично го отфрлил американскиот предлог за прекин на огнот. Повикувајќи се на информирани извори, Фарс наведува дека на 4 април, САД испратиле понуда за 48-часовен прекин на огнот преку „една од пријателските земји“.
„Одговорот на Иран на овој предлог не дојде во писмена форма, туку дојде во форма на одговор на терен и продолжени тешки напади“, соопшти иранската новинска агенција.
Во меѓувреме, американскиот весник „Волстрит џурнал“ (WSJ) објавува дека преговорите се целосно блокирани, а американските барања се оценети како неприфатливи.
Иран официјално ги информирал медијаторите за својата неподготвеност да се сретне со американски претставници во Исламабад во наредните денови, објаснувајќи дека САД имаат барања што Техеран ги смета за апсолутно неприфатливи.
Слични новости
Волстрит во пад под притисок на растот на нафтата и неизвесноста околу Иран
Американските берзански индекси забележаа значителен пад во четвртокот, под влијание на растот на цените на нафтата и неизвесноста поврзана со случувањата на Блискиот Исток.
Резаи: ракетите ќе преговараат со Трамп
„Секаков вид преговори со ѓаволот се страгиска грешка. Ракетите нека преговараат со американскиот претседател Трамп“, порача Резаи на социјалната мрежа Икс.
Европските берзите во пад цената на нафтата Брент над 105 долари
Европските берзански индекси денеска се во пад, а цената на нафтата Брент повторно се искачи на повеќе од 105 долари за барел. На пазарите владее неизвесност околу мировните разговори меѓу САД и Иран со кој би се окончала војната на Блискиот исток.