Во најновото соопштение, иранската мисија во Обединетите нации изјави дека бродовите можат да користат „безбеден премин“ низ Ормускиот теснец, „под услов да не учествуваат или да не поддржуваат акти на агресија против Иран и целосно да ги почитуваат пропишаните мерки за безбедност и сигурност“.
На бродовите ќе им биде дозволено да минуваат низ теснецот „во координација со надлежните ирански власти“, според соопштението објавено на социјалните мрежи.
Техеран не објасни детално кои регулативи мора да ги следат бродовите за безбедно да се движат низ теснецот, низ кој нормално минуваат околу една петтина од светските залихи на нафта и течен природен гас.
Изјавите на Иран доаѓаат во време кога американскиот претседател Доналд Трамп изјави дека се во тек преговори за прекин на војната меѓу САД и Израел против Иран, и покрај претходните негирања на Техеран дека се водат такви разговори.
Слични новости
Трамп: Војната во Иран ќе заврши многу бргу
Во обраќањето до нацијата од Белата куќа Трамп порача дека САД ќе ги уништат сите ирански електрани и дека ќе ги гаѓаат и постројките за нафта, доколку не биде постигнат договор со иранските лидери.
Десет Израелци повредени во денешниот жесток ирански напад врз Израел
Десет лица, вклучувајќи и деца биле повредени во денешниот ирански напад врз Израел, а едно девојче е во критична состојба и се бори за живот, соопштија од медицинскиот центар Шеба.
САД најавуваат повлекување на војната од Иран за две до три недели
Трамп посочи дека е можно Иран и САД да постигнат договор во тој период, но нагласи дека договор со Техеран не е неопходен за да заврши војната.