Иранското Министерство за нафта ги оквалификува денеска како „психолошки трик“ изјавите на американскиот секретар за финансии Скот Бесант, кој рече дека Вашингтон привремено ги ублажува санкциите за да му дозволи на Техеран да продава нафта „што ја складирал на море“.
Портпаролот на иранското министерство, Саман Годуси, ги нарече изјавите на Бесант „психолошки трик“ и нагласи дека Иран во моментов нема нафта складирана во меѓународни води или вишок количини наменети за други пазари.
Администрацијата на американскиот претседател Доналд Трамп ги укина санкциите за офшор купувања на иранска нафта за 30 дена, нагласувајќи дека тоа ќе ослободи околу 140 милиони барели на глобалните пазари и ќе го намали притисокот врз снабдувањето со енергија предизвикан од војната меѓу САД и Израел против Иран.
Сепак, аналитичарите велат дека таквите потези ќе имаат мало влијание врз цените сè додека Ормускиот теснец останува затворен.
Слични новости
Европските берзите во пад цената на нафтата Брент над 105 долари
Европските берзански индекси денеска се во пад, а цената на нафтата Брент повторно се искачи на повеќе од 105 долари за барел. На пазарите владее неизвесност околу мировните разговори меѓу САД и Иран со кој би се окончала војната на Блискиот исток.
Вашингтон разгледува опции за економијата, ако нафтата скокне на 200 долари за барел
Администрацијата на Доналд Трамп разгледува што би значел за економијата потенцијален скок на цените на нафтата и до 200 долари по барел што укажува дека високите функционери ги анализираат можните последици од екстремни сценарија во војната со Иран,
Компанијата Мета осудена на казна од 375 милиони долари поради измама на потрошувачите
Компанијата Мета мора да плати 375 милиони долари казна откако поротата во американската држава Њу Мексико утврди дека компанијата ги мамела потрошувачите за безбедноста на своите платформи и овозможила штета на корисниците, вклучувајќи и сексуална експлоатација на деца.