Проценките за нуклеарната програма на Техеран остануваат главно непроменети и по два месеца од војната што ја почна американскиот претседател Доналд Трамп. Заедничките напади на САД и на Израел од 28 февруари беа насочени главно кон конвенционални воени цели, иако Израелците гаѓаа и низа нуклеарни постројки.
Според проценките на Меѓународната агенција за атомска енергија, вкупните залихи на високо збогатен ураниум на Иран би биле доволни за изработка до 10 атомски бомби, доколку дополнително би се збогатиле.
Според проценките, на американските разузнавачки агенции, Иран би можел да произведе доволно материјал за нуклеарна бомба во рок од три до шест месеци.
Војната на Блискиот Исток моментно е во прекин по примирјето што го постигнаа САД и Иран на 7 април, со цел продолжување на мировните преговори. Но, тензиите и натаму се високи.
Слични новости
Израел срамни со земја зграда во Бејрут за која тврди дека била команден центар на Хезболах
Одбранбените сили на Израел соопштија дека во текот на ноќта израелското воено воздухопловство срамнило со земја повеќекатница во главниот град на Либан Бејрут за која Тел Авив тврди дека била команден центар на Хезболах.
Израел: Трамп сака договор со Иран, но тој е малку веројатен
Американскиот претседател Доналд Трамп се обидува да постигне договор со Иран за прекин на војната на Блискиот исток, но успехот на разговорите е малку веројатен, изјавија денеска високи израелски службеници
Претседателот на иранскиот парламент негира дека Иран преговара со САД за прекин на војната
Претседателот на иранскиот парламент Калибаф негираше дека Иран преговара со САД за прекин на војната и ја отфрли реториката на Трамп како прикриен обид за манипулирање со немирните глобални пазари.