Иранската војска најави дека повторно ја презема контролата врз Ормускиот Теснец, објавија иранските државни медиуми. Иранската револуционерна гарда во соопштение наведе дека теснецот ќе се врати во претходната состојба и дека со подрачјето ќе управуваат вооружените сили.
Оваа одлука доаѓа откако претходно беше забележано движење на дел од транспортните бродови низ овој воден пат. Податоците од страницата за следење „Марин трафик“ покажаа дека низ клучниот коридор поминувале неколку пловила за транспорт на нафта, течен гас и хемикалии, но не е јасно колкав дел од сообраќајот успеал да помине низ овој стратешки важен премин.
Во военото соопштение, САД се обвинети за пиратство, со тврдење дека блокадата на иранските пристаништа претставува поморски грабеж.
Техеран и претходно предупреди дека ќе го затвори теснецот доколку Вашингтон продолжи со блокадата. Спикерот на иранскиот парламент, Мохамад Багер Галибаф, кој учествуваше во преговорите минатиот викенд, изјави дека теснецот нема да остане отворен доколку не се прекине блокадата на земјата.
Американскиот претседател Доналд Трамп претходно изјави дека денеска е одличен ден за светот бидејќи Иран го прогласил теснецот за отворен. Тој додаде дека блокадата на пристаништата ќе остане во полна сила додека не се заврши целосно договорот за крај на војната.
Слични новости
Стапија во сила новите мерки за руските дипломати во ЕУ
Денеска стапија во сила мерки кои ја ограничуваат слободата на движењето на руските дипломати во Европската унија за да спречат шпионажа и ширење на дезинформации, наведе ЕУ.
Сибиха: Путин цинично нареди масивен напад врз Украина за време на разговорите во Абу Даби
Официјален Киев предупреди дека руските ракети не го погодија само украинскиот народ, туку и преговарачката маса.
Во Абу Даби продолжен трилатералниот состанок за Украина
Во Абу Даби денеска продолжи трилатералната средба за постигнување мировно решение за Украина на која учествуваат украинска, руска и американска делегација, јави Ројтерс.