Иранската војска најави дека повторно ја презема контролата врз Ормускиот Теснец, објавија иранските државни медиуми. Иранската револуционерна гарда во соопштение наведе дека теснецот ќе се врати во претходната состојба и дека со подрачјето ќе управуваат вооружените сили.
Оваа одлука доаѓа откако претходно беше забележано движење на дел од транспортните бродови низ овој воден пат. Податоците од страницата за следење „Марин трафик“ покажаа дека низ клучниот коридор поминувале неколку пловила за транспорт на нафта, течен гас и хемикалии, но не е јасно колкав дел од сообраќајот успеал да помине низ овој стратешки важен премин.
Во военото соопштение, САД се обвинети за пиратство, со тврдење дека блокадата на иранските пристаништа претставува поморски грабеж.
Техеран и претходно предупреди дека ќе го затвори теснецот доколку Вашингтон продолжи со блокадата. Спикерот на иранскиот парламент, Мохамад Багер Галибаф, кој учествуваше во преговорите минатиот викенд, изјави дека теснецот нема да остане отворен доколку не се прекине блокадата на земјата.
Американскиот претседател Доналд Трамп претходно изјави дека денеска е одличен ден за светот бидејќи Иран го прогласил теснецот за отворен. Тој додаде дека блокадата на пристаништата ќе остане во полна сила додека не се заврши целосно договорот за крај на војната.
Слични новости
Пентагон предупредува на можност од војна во САД
Новата национална одбранбена стратегија на САД предупредува дека идните судири би можеле да се водат не само надвор од границите на САД, туку и директно на американска почва, пренесе Фокс њуз.
САД денеска и формално се повлекоа од Париската климатска спогодба
Америка денеска и формално се повлече од Париската климатска спогодба, клучната меѓународна рамка за борба против глобалното затоплување.
Фон дер Лајен: Две милијарди луѓе под ист покрив
Индискиот премиер Нарендра Моди изјави дека договорот меѓу Индија и Европската Унија за слободна трговија е најголемиот договор меѓу Њу Делхи и Брисел до сега.