Иранската војска најави дека повторно ја презема контролата врз Ормускиот Теснец, објавија иранските државни медиуми. Иранската револуционерна гарда во соопштение наведе дека теснецот ќе се врати во претходната состојба и дека со подрачјето ќе управуваат вооружените сили.
Оваа одлука доаѓа откако претходно беше забележано движење на дел од транспортните бродови низ овој воден пат. Податоците од страницата за следење „Марин трафик“ покажаа дека низ клучниот коридор поминувале неколку пловила за транспорт на нафта, течен гас и хемикалии, но не е јасно колкав дел од сообраќајот успеал да помине низ овој стратешки важен премин.
Во военото соопштение, САД се обвинети за пиратство, со тврдење дека блокадата на иранските пристаништа претставува поморски грабеж.
Техеран и претходно предупреди дека ќе го затвори теснецот доколку Вашингтон продолжи со блокадата. Спикерот на иранскиот парламент, Мохамад Багер Галибаф, кој учествуваше во преговорите минатиот викенд, изјави дека теснецот нема да остане отворен доколку не се прекине блокадата на земјата.
Американскиот претседател Доналд Трамп претходно изјави дека денеска е одличен ден за светот бидејќи Иран го прогласил теснецот за отворен. Тој додаде дека блокадата на пристаништата ќе остане во полна сила додека не се заврши целосно договорот за крај на војната.
Слични новости
Премиерот Мицкоски смета дека нема потреба од прогласување кризна состојба
Македонскиот премиер Христијан Мицкоски денеска изјави дека не гледа потреба за прогласување кризна состојба поради порастот на цените на горивата.
Израел: Војната со Иран може да трае долго
Началникот на Генералштабот на израелската армија, генерал-потполковник Ејал Замир, предупреди дека војната со Иран може да трае долго и ги повика офицерите да се подготват за продолжен конфликт.
Експлозија во синагога во Белгија
Во синагогата во белгискиот град Лиеж рано утринава се случи експлозија во која нема повредени. Белгиските медиуми пренесуваат дека е причинета материјана штета врз синагогата.