Иранската војска најави дека повторно ја презема контролата врз Ормускиот Теснец, објавија иранските државни медиуми. Иранската револуционерна гарда во соопштение наведе дека теснецот ќе се врати во претходната состојба и дека со подрачјето ќе управуваат вооружените сили.
Оваа одлука доаѓа откако претходно беше забележано движење на дел од транспортните бродови низ овој воден пат. Податоците од страницата за следење „Марин трафик“ покажаа дека низ клучниот коридор поминувале неколку пловила за транспорт на нафта, течен гас и хемикалии, но не е јасно колкав дел од сообраќајот успеал да помине низ овој стратешки важен премин.
Во военото соопштение, САД се обвинети за пиратство, со тврдење дека блокадата на иранските пристаништа претставува поморски грабеж.
Техеран и претходно предупреди дека ќе го затвори теснецот доколку Вашингтон продолжи со блокадата. Спикерот на иранскиот парламент, Мохамад Багер Галибаф, кој учествуваше во преговорите минатиот викенд, изјави дека теснецот нема да остане отворен доколку не се прекине блокадата на земјата.
Американскиот претседател Доналд Трамп претходно изјави дека денеска е одличен ден за светот бидејќи Иран го прогласил теснецот за отворен. Тој додаде дека блокадата на пристаништата ќе остане во полна сила додека не се заврши целосно договорот за крај на војната.
Слични новости
Претседателот на иранскиот парламент негира дека Иран преговара со САД за прекин на војната
Претседателот на иранскиот парламент Калибаф негираше дека Иран преговара со САД за прекин на војната и ја отфрли реториката на Трамп како прикриен обид за манипулирање со немирните глобални пазари.
Од полноќ нови цени на горивата по одлуката на владата за намалување на ДДВ од 18 на 10 насто
Владата на вонредна седница донесе одлука да се намали данокот на додадена вредност (ДДВ) на бензините и дизел горивото од 18 отсто на 10 отсто.
Со тоа владата очекува цената на бензините да остане иста односно непроменета, а цената на дизелот да се зголеми околу 3,5 денари по литар
Започна судењето за грчката трагедија во Темпи во која загинаа 57 луѓе – граѓаните на протест
Преживеаните од судирот на возови во кој загинаа 57 луѓе во Грција, како и роднините на жртвите го изразија својот гнев со протест пред кривичниот суд каде денеска започна процесот.