За време на оддавањето почит на жртвите во Нови Сад пред Земјоделскиот факултет во Земун, се случи инцидент кога возач на патнички автомобил покосил неколку граѓани. На видеото се гледа патнички автомобил кој дошол на раскрсницата каде граѓаните 15 минути го блокирале сообраќајот поради 15-те загинати во уривањето на настрешницата на железничката станица во Нови Сад.
Откако луѓето не сакале да се помрднат, возачот на автомобилот згазнал на гас и на хаубата од својот автомобил „качил“ неколку учесници во блокадата. Луѓето гласно протестираа и удираа во автомобилот додека се оддалечуваше.
Како што изјавија за N1 Србија, пред овој инцидент, млад човек кој бил на блокадата се качил на хаубата и удрил во автомобилот, но насобраните граѓани брзо го отстраниле.
Блокади денеска имаше и пред зградата на Техничкиот факултет во Белград, како и пред Ректоратот во Нови Сад.
Слични новости
Главчев: Бугарија го поддржува приемот на Западниот Балкан во ЕУ доколку се исполнат поставените услови
Конкретно кога станува збор за Северна Македонија, го имаме т.н. компромис од 2022 година, направен од наша страна. Тој е веќе европски (услов), потпишан од сите држави членки на Европската унија, вклучително и од Бугарија како земја членка, плус од Северна Македонија и нема за што да преговараме. Нашата позиција е непроменета, рече Главчев.
Калас: Сакаме да видиме напредок во процесот на проширување на ЕУ
Западниот Балкан е многу важен за Европската Унија, бидејќи тој географски и припаѓа на Европа и затоа е многу важно да ги унапредиме нашите односи, порача високата претставничка на ЕУ за надворешни работи и безбедносна политика Каја Калас при пристигнувањето на Самитот ЕУ-Западен Балкан во Брисел
Кошта: За сите нас проширувањето на ЕУ е приоритет и сме посветени на тоа
Бидејќи припаѓаме на исто европско семејство, делиме континент и што е најважно, заеднички вредности и заедничка историја. Второ, затоа што проширувањето е приоритет за сите нас. Ние веќе сме посветени на проширувањето и сите веруваме дека проширувањето е најважната геополитичка инвестиција во мирот, безбедноста и просперитетот, истакна Кошта.