Инфлацијата во Сoединетите држави забавила во февруари, првпат по пет месеци, со забележителен пад на цените на бензините, покажаа податоците на Министерството за труд објавени во средата.
Потрошувачките цени во најголемата светска економија во февруари биле за 2,8 отсто повисоки отколку во истиот месец во 2024 година, пресмета Министерството. Во јануари беа зголемени за три отсто на годишно ниво.
Нивниот раст забавил првпат од септември минатата година, покажуваат податоците на Министерството.
Без енергијата и храната, цените во февруари се повисоки за 3,1 отсто во однос на истиот месец лани. Податоците за јануари покажуваат раст од 3,3 отсто.
Бензините во февруари поевтиниле за 3,1 отсто од пред една година. Во јануари нивниците цени беа речиси на нивото од почетокот на минатата 2024 година.
Нафтата за греење, пак, повторно остро поевтиника, за 5,1 отсто, приближно исто како и на самиот почеток на годинава.
Цените на гасот, пак, пораснале за цели шест отсто, значително повеќе отколку во јануари. Растот на цената на струјата умерено забрзале, на 2,5 отсто.
Цените на храната се зголемиле за 1,9 отсто, приближно исто како и на почетокот на годината.
Трошоците за изнајмување или одржување на стан повторно се значително зголемени, за 4,2 отсто, иако нешто помалку од јануари.
Месечната споредба покажува и поблаг пораст на потрошувачките цени во февруари, и тоа за 0,2 отсто. Во јануари тие се зголемија за 0,5 отсто.
Растот на цените е забавен првпат од октомври минатата година, покажуваат податоците на Министерството.
Без енергијата и храната, потрошувачките цени исто така пораснаа за 0,2 отсто, за половина од претходниот месец, што е одраз на пониските цени на бензините и транспортните услуги, за еден, односно 0,8 отсто во однос на јануари.
Слични новости
Благ раст на доларот, ценате на нафтата стагнира
На валутните пазари вредноста на американскиот долар во однос на кошницата валути благо се зголеми во претпладневното тргување во вторникот, но и натаму се движи недалеку од најниското ниво во последните четири месеци
Поради страв од рецесија остар пад на Волстрит
На Волстрит берзанските индекси во понеделникот остро паднаа, продолжувајќи го негативниот тренд од минатата седмица, бидејќи инвеститорите се несигурни околу трговската политика на Вашингтон и стравуваат од рецесија
Цените на нафтата под 70 долари
Цените на нафтата паднаа под 70 долари на меѓународните пазари во понеделникот, бидејќи најавеното зголемено снабдување од групаta големи производители ги надмина навестувањата од Вашингтон дека може да воведе санкции за иранскиот извоз