Инфлацијата во Германија ослабела на 2,2 отсто во март, со значително посилен пад на цените на енергенсите и благ пораст на цената на услугите, покажаа прелиминарните пресметки на заводот за статистика објавени во понеделникот.
Така, инфлацијата се намалила на почетокот на пролетта, утврдиле во Destatis врз основа на податоците од група сојузни покраини. Во јануари и февруари цените пораснале за 2,3 отсто.
Месечната споредба покажува и мало забавување на растот на цените во март, на 0,3 отсто. Во февруари тие се зголемеја за 0,4 отсто.
Без храната и енергијата, годишната стапка на инфлација во третиот месец од годинава изнесува 2,5 отсто, покажаа прелиминарните пресметки на статистичарите и е за 0,2 процентни поени пониска во однос на февруари.
Услугите, исто така, забележале најголем пораст на цените во март, од 3,4 отсто, но значително помалку од претходниот месец кога нивните цени пораснаа за 3,8 отсто.
Енергијата во март била поевтина за 2,8 отсто во однос на истиот месец лани. Во февруари падна за 1,6 отсто.
Цените на храната, пак, пораснале за 2,9 отсто, што е значително повеќе од февруари.
Според Хармонизираниот индекс на потрошувачки цени (HICP), кој овозможува споредување меѓу членките на ЕУ, цените во најголемата европска економија во март биле за 2,3 отсто повисоки отколку во истиот месец минатата година. Во февруари усогласениот индекс покажа годишен пораст на цените од 2,8 отсто.
На месечна основа, цените мерени со HICP се зголемија за 0,4 отсто во март, соопшти Destatis во прелиминарните пресметки. Во февруари тие се зголемени за 0,6 отсто во однос на јануари.
Слични новости
ЕУ казни 15 автомобилски компании за сузбивање на конкуренцијата во рециклирањето
Европската комисија казни 15 производители на автомобили и здружението ACEA со 458 милиони евра за незаконски договори за сузбивање на конкуренцијата во бизнисите со рециклирање
Европа најавува дека прорпорционално ќе одговори на царините на Трамп
Трговските партнери како што се Европската Унија, Канада и Мексико најавија дека ќе одговорат на царините на САД со контрамерки. Брисел најави дека има прецизен пакет контраерки како одговор на царините на Трамп.
Пазарите очекуваат нова рунда царини од Трамп, европските берзански индекси во пад
Европските берзански индекси денеска се во пад, како и цената на нафтата, златото и пченицата, бидејќи берзите ја очекуваат новата рунда царини од Трамп, вклучувајќи и тарифа од 25 насто на сите автомобили произведени надвор од САД.