Интер и Милан официјално станаа ко-сопственици на „Сан Сиро“ во средата, стадион претходно во сопственост на градот Милано, што е клучен чекор во нивните планови за изградба на нов стадион.
„АЦ Милан и Интер Милано објавуваат дека во средата потпишаа договор за купопродажба со градот Милано за стекнување сопственост на урбаната област Сан Сиро, која го вклучува стадионот (Џузепе) Меаца и околното земјиште“, објавија двата клуба во заедничко соопштение.
Продажбата на стадионот беше одобрена од Градскиот совет на Милано на 30-ти септември по повеќе од единаесет часа дебата, со 24 гласа „за“, 20 „против“ и два воздржани.
Милан и Интер платија 197 милиони евра за постоечкиот стадион и соседните паркинзи каде што планираат да го изградат својот нов стадион, кој ќе продолжат да го делат. Новиот „Сан Сиро“, со капацитет од 71.500, треба да биде завршен во 2031 година, а двата клуба ќе платат 1,2 милијарди евра за неговата изградба.
Сегашниот стадион, еден од најзначајните во европскиот фудбал, честопати споредуван со бетонска катедрала, е најголемиот во Италија со капацитет од 75.000. Сепак, стадионот, отворен во 1926 година и реновиран неколкупати од тогаш, повеќе не е погоден за потребите на гледачите или клубовите кои сакаат да ги зголемат своите приходи.
„Сан Сиро“, познат и како стадионот „Џузепе Меаца“, ќе биде во голема мера урнат, освен една трибина која е заштитен историски споменик. „Сан Сиро“ ќе биде домаќин на церемонијата на отворањето на Олимписките игри Милано-Кортина 2026 година оваа зима (6-22 февруари).
Слични новости
Арсенал со победа против Брајтон повторно на 5 бода разлика од Сити
Арсенал продолжи да ги дообива мечевите „кои мора да се добијат“, оние од категоријата „мали мечеви“ на кои всушност се освојуваат титулите. Арсенал го победи Брентфорд на својот стадион со 2:0 и сега води во Премиер лигата со 33 бодови
Пропадна трансферот на Нејмар во Интер Мајами
Медиумите пишуваат дека Дејвид Бекам се откажа од идејата да го доведе Нејмар да игра во Интер Мајами заедно со Лео Меси. Со тоа Нејмар сигурно останува во неговиот клуб Сантос во Бразил до крајот на летото.
Лука Дончиќ прогласен за играч на неделата на Западот
Кошаркарот на Лос Анџелес Лејкерс Лука Дончиќ е прогласен за играч на неделата во Западната конференција на НБА лигата. Тој на три натпревари одиграни неделава имаше просек од 37,3 поени, 10,3 асистенции и 8,7 скока по натпревар.