Индијците заработуваат највисок просек меѓу етничките групи во Германија, објави германскиот економски институт IW.
Средната бруто плата за Индијците во 2024 година изнесувала 5.393 евра месечно, објави Германскиот економски институт (IW).
По нив следат Австријците (5.322 евра), Американците (5.307 евра) и Ирците (5.233 евра).
Германските вработени имаат просечен бруто приход од 4.177 евра, додека странските вработени заедно имаат просек од 3.204 евра.
IW вели дека причината за високите приходи на индиските вработени е „повисокото ниво на заработка на технички позиции“.
Многу Индијци работат во Германија во академски STEM професии (наука, технологија, инженерство и математика). Помеѓу 2012 и 2024 година, нивниот број се зголемил речиси деветкратно на повеќе од 32.800, а сега околу една третина од индиските работници со полно работно време на возраст меѓу 25 и 44 години се вработени во овој сектор.
Според студијата, овој развој се должи и на наглото зголемување на бројот на индиски студенти во Германија. Многумина успешно ги завршиле студиите, потоа останале таму и сега придонесуваат за резултатите од истражувањата, пишуваат авторите.
Годишниот број на патентни апликации од пронаоѓачи со индиски корени се зголемил за 12 пати помеѓу 2000 и 2022 година.
„Без квалификувана имиграција, растот на германската економија денес тешко би бил можен, особено во областа STEM и во контекст на поттикнување на иновациите“, забележува Аксел Плунеке, раководител на Одделот за образование, имиграција и иновации на IW.
Тој нагласува дека квалификуваната имиграција од Индија е „посебна приказна за успех“.
Слични новости
Компанијата на Доналд Трамп ќе гради небодер во Австралија вреден 900 милиони евра
Американската компанија во сопственост на американскиот претседател Доналд Трамп потпиша договор за изгардба на својот прв небодер во Австралија вреден 1,5 милијарди австралијански долари или 900 милиони американски долари.
Кина ги повика САД да ги укинат едностраните царини
Кинеското министрство за трговија соопшти дека врши „целосна проценка“ на пресудата со која Врховниот суд на Соединетите Американси Држави минатата недела ги укина царините што САД ги воведоа за голем број на земји
Кина ги надмина САД како главен трговски партнер на Германија
Кина ги претекна САД како главен трговски партнер на Германија, покажуваат податоците на германскиот Сојузен завод за статистика, додека канцеларот Фридрих Мерц се подготвува за првата посета на Пекинг од стапувањето на должноста