Арон Несмит постигна 31 поен, а Квентон Џексон и Паскал Сиакам погодија клучни тројки во завршницата, во дуелот во кој ослабените Индијана Пејсерс ги победија Голден Стејт Вориорс со 114:109 во Индијанаполис.
Соочени со тим без победа кој втора ноќ со ред играше без Тајрис Халибартон, Бен Матурин, Оби Топин и ТиЏеј Меконел, Вориорс се чинеше дека се на пат кон убедлива победа кога Стефен Кари погоди тројка за водство од 104:93 на шест минути до крајот. Но, Пејсерс ја презедоа контролата потоа, користејќи серија од 9:0 да се вратат во мечот пред во завршницата Сиакам и Џексон да ја запечати победата.
Зак Лавин (31) го предводеше квартетот стрелци на Сакраменто кои постигнаа најмалку 24 поени, а Кингс ја прекинаа серијата порази со победа на гостински терен против Милвоки (135:133). Демар Дерозан (29), Домантас Сабонис (24) и Денис Шрудер (24) го заокружија квартетот на Кингс, кои погодија слободни фрлања од 35 до 40. Јанис Адетокумбо постигна 26 поени и 11 скока за Бакс.
Хјустон Рокетс ги победија Бостон Селтикс со 128:101 благодарение на Кевин Дурант (26) и Турчинот Алперен Сенгун (16 поени, 10 скока и девет асистенции). Амен Томпсон додаде 17 поени, девет скока и осум асистенции за Хјустон, кој има три победи по ред со остварувања 137, 139 и 128 поени. Бејлор Шајерман беше најдобриот стрелец на Бостон со 17 поени.
Тимбервулвс победија со 122:105 кај Хорнетс, а Џулиус Рендл постигна 30 поени за Минесота. Донте ДиВинченцо и резервистот Наз Рид постигнаа по 18 поени за Тимбервулвс, додека Руди Гобер со своите 14 поени и 15 скока беше клучен за Минесота, која постигна дури 72 поени во второто полувреме. Мајлс Бриџис постигна 18 од своите 30 поени во првата четвртина за Хорнетс, кои имаат три порази по ред.
Детроит Пистонс ги победија Далас Маверикс со 122:110 во Мексико Сити, благодарение на одличната игра на Џален Дурен, кој постигна 33 поени и 10 скока. Кејд Канингем постигна 21 поен, го израмни својот личен рекорд со 18 асистенции и имаше шест скока, со што Детроит победи по четврти пат во шест натпревари оваа сезона. Данкан Робинсон постигна 18 поени, а Аусар Томпсон имаше 15 поени и седум скока за Пистонс, кои го добија Далас со 35:17 во последната четвртина. Д’Анџело Расел погоди седум тројки и постигна 31 поен за Далас, кој беше без ѕвездата Ентони Дејвис, а Купер Флег имаше 16 поени и осум скока за Маверикс, кои погодија само 4 од 16 шута во последната четвртина.
Слични новости
Преглед НБА: Оклахома продолжува со победите
Оклахома Сити Тандер ја забележаа својата 14-та последователна победа победувајќи ги Далас Маверикс со 132:111 дома
Извлечени групите за Светското првенство 2026
Жрепката за Светското фудбалско првенство во 2026 година во Вашингтон беше спектакл во холивудски стил, експлозија од гламур, црвени теписи и мноштво светски ѕвезди, а Македонија доколку го мине плејофот против Данска а потоа биде подобра и во соочувањето со победникот од дуелот меѓу Чешка и Ирска ќе се најде во групата А
Трамп ја доби Наградата за мир на ФИФА
Американскиот претседател Доналд Трамп ја доби наградата за мир, која првпат годинава ја доделува светската фудбалска федерација ФИФА