Индијана Пејсерс ги победија Оклахома Сити Тандер со 116:107 во третиот натпревар од финалето на НБА лигата во Индијанаполис синоќа и поведоа со 2-1 во серијата до четири победи.
Ѕвездата на Индијана, Тајрис Халибартон, беше за скок пократокк од остварување „трипл-дабл“, бидејќи го заврши натпреварот со 22 поени, 11 асистенции и девет скока. Паскал Сиакам додаде 21 поен за Пејсерс, кои не загубија два последователни натпревари од март. Резервниот бек Бенедикт Матурин беше водечки стрелец за Пејсерс со 27 поени.
Џејлен Вилијамс ги предводеше Тандер со 26 поени, Шаи Гилџеус-Александер имаше 24 поени. Чет Холмгрен имаше 20 поени и 10 скока.
Тандер заостануваа со осум поени (110:102) на три минути пред крајот, но потоа Алекс Карусо ја украде топката и се проби во рекетот, каде што Арон Нисмит ги спушти двете раце врз него за да го блокира обидот за шут, соборувајќи го. По прегледот, не беше досуден неспортски фаул.
Карусо ги изведе двата слободни фрлања, а Мајлс Тарнер од Индијана потоа ја изгуби топката надвор од теренот. Сепак, Тарнер, кој промаши осум од првите 10 шутеви, го блокираше Холмгрен со два блока во ист посед за да ја одржи предноста на Индијана на шест поени.
Индијана доби уште еден блокада, а Сиакам постигна кош за да им даде на Пејсерс водство од 112:104 на 69 секунди до крајот.
Четвртиот натпревар се игра во петок, повторно во Индијанаполис.
Слични новости
Интер Мајами и Ал Ахли одиграа без голови во премиерниот натпревар на Светското клупско првенство
Најголемата шанса за гол ја имаа Египќаните, но фудбалерот на египетскиот тим, Трезеге, промаши пенал во 43-тата минута.
Буфон потврди дека Џенаро Гатузо е нов селектор на фудбалската репрезентација на Италија
Гатузо е новиот селектор на италијанската репрезентација. Донесовме најдобра одлука, изјави директорот на италијанската фудбалска репрезентација Џанлуиџи Буфон за италијанските новинари.
Почнува светското првенство за клубови во фудбал
Наградниот фонд изнесува една милијарда евра, а ФИФА смета дека ова е почетокот на нешто револуционерно, како што беше почетокот на Светските првенства за репрезентации во 1930 во Уругвај.