Илјадници Турци излегоа синоќа на улиците во поголемите градови Турција трета ноќ по ред, барајќи од властите да го укинат притворот на градоначалникот на Истанбул, Екрем Имамоглу, пренесуваат светските агенции. Протести се одржаа во големите градови Истанбул. Анкара и Измир и покрај забраната за јавни собири.
Во Истанбул демонстрантите извикуваа пароли „Влада оставка“ и се обидоа да го пробијат полицискиот кордон, по што полицијата употреби солзавец. Министерот за внатрешни работи Али Јерликаја на Х објави дека се уапсени 97 демонстранти.
Турскиот претседател Реџеп Таип Ердоган во петокот ги нарече протестите „уличен терор“ и ја обвини главната опозициска Народна републиканска партија (НРП) на Имамоглу дека ги искористила истрагата и приведувањето како изговор за да ја втурне земјата во хаос.
Приведувањето на Имамоглу во средата предизвика протести низ целата земја. Властите одговорија со силни безбедносни мерки и забранија собири во поголемите градови, вклучувајќи ги Истанбул, Анкара и Измир. Сепак, за вечерва се најавени нови протести.
НРП се подготвуваше да го именува Имамоглу за свој претседателски кандидат во неделата кога беше приведен. НРП најави дека и покраи приведувањето, сепак ќе ја продолжи постапката за избор на претседателски кандидат.
Слични новости
Канадскиот премиер распиша предвремени избори за 28. април
Новиот канадски премиер Марк Карни во неделата распиша предвремени избори за 28. април, велејќи дека му е потребен силен мандат за да се соочи со заканата којашто ја претставуваат за економијата царините на американскиот претседател Доналд Трамп
Зеленски: Украина е целосно конструктивна во преговорите во Саудиска Арабија
Украинската делегација на разговорите со САД во Саудиска Арабија во целост е конструктивна и преговорите се полезни, изјави во неделата украинскиот претседател Володимир ЗеленскиУкраинската делегација на разговорите со САД во Саудиска Арабија во целост е конструктивна и преговорите се полезни, изјави во неделата украинскиот претседател Володимир Зеленски
Украинските и американските делегации почнаа разговори во Саудиска Арабија
Украинските и американските делегации започнаа разговори во Саудиска Арабија, на кои агендата вклучува предлози за заштита на енергетските капацитети и критичната инфраструктура, изјави во неделата украинскиот министер за одбрана Рустем Умеров