Илон Маск и неговата вселенскa компанија „SpaceX“ се соочуваат со најмалку три федерални истраги за тоа дали ги следеле федералните правила за известување насочени кон заштита на националната безбедност, објави ведсникот The New York Times во вторникот.
Воздухопловните сили, генералниот инспектор на Министерството за одбрана и потсекретарот за разузнавање и безбедност покренаа истрага, објави NYT, цитирајќи осум лица наводно запознаени со компанијата и внатрешните документи.
„Илон Маск и неговата ракетна компанија SpaceX постојано не ги почитуваа федералните протоколи за известување насочени кон заштита на државните тајни, вклучително и со тоа што не дадоа детали за неговите состаноци со странски челници“, пишува NYT.
Весникот објави дека воздухопловните сили неодамна ги навеле потенцијалните безбедносни ризици како причина поради која му ускратиле на Маск безбедносен пристап на највисоко ниво и дека сојузниците, вклучително и Израел, изразиле загриженост дека тој може да сподели чувствителни информации.
Двајца демократски американски сенатори, Џин Шахин и Џек Рид, во писмо во ноември рекоа дека Пентагон и агенциите за спроведување на законот треба да ги истражат снимките од разговорите на Илон Маск со руски официјални лица, вклучувајќи го и рускиот претседател Владимир Путин, врз основа на националната безбедност.
Секретарот за воздухопловните сили Френк Кендал минатата седмица му одговори на Шахин дека ја дели таа загриженост, но не можеше да коментира за статусот на безбедносната дозвола на лицето.
Слични новости
Маск најави завршување на планираните кратења на федералните трошоци за неколку седмици
Технолошкиот милијардер Илон Маск, кој беше ангажиран од американскиот претседател Доналд Трамп за да ја намали државната администрација, изјави во четвртокот дека најголемиот дел од работата за намалување на сојузната потрошувачка за трилион долари ќе биде завршена до крајот на неговиот мандат, односно за 64 дена
Путин сугерира можност за ставање на Украина под привремена управа
Рускиот претседател Владимир Путин сугерираше дека Украина може да биде ставена под некоја форма на привремена администрација за да се овозможи одржување на нови избори во земјата и потпишување на клучни договори со цел да се постигне решение
Крајно десните европски политичари на конференција за антисемитизмот во Ерусалим
Израелскиот премиер Бенјамин Нетанјаху предупреди во четвртокот на „пожари на антисемитизмот“ во Западна Европа на конференцијата која беше засенета од бојкотот на неколку еврејски говорници поради присуството на десничарски и крајно десничарски европски политичари