Израел во понеделник вечерта објави дека Црвениот крст го предал телото на уште еден заложник од Газа на армијата, во согласност со договорот за прекин на огнот што предвидува враќање на сите заложници, живи и мртви.
„Израел, преку Црвениот крст, прими ковчег со телото на починат заложник кој беше предаден на армијата и Шин Бет (Службата за внатрешна безбедност) во Појасот Газа“, објави Канцеларијата на израелскиот премиер во соопштение.
Се додава дека телото е префрлено во Израел за идентификација.
Доколку идентитетите бидат потврдени, тоа ќе значи дека останките од 12-те заложници сѐ уште се во Газа, а Хамас наведува пречки во нивното лоцирање во урнатините оставени од борбите.
Извор од Хамас претходно изјави дека станува збор за израелски заложник чие тело е „пронајдено денеска во Појасот Газа и предадено на Црвениот крст“.
Пронаоѓањето и предавањето на телата на мртвите заложници во Газа е една од пречките за планот на американскиот претседател Доналд Трамп за Газа.
Портпаролот на израелската влада во неделата изјави дека палестинската милитантна група знаела каде се телата.
Во неделата, Израел дозволи влез на египетски технички тим за да соработува со Црвениот крст за да го лоцира телото.
Слични новости
Зеленски подготвува да им претстави ажуриран мировен план на САД
Украина и нејзините западноевропски партнери наскоро ќе им претстават „прочистени документи“ на САД за мировен план за прекин на војната со Русија, објави украинскиот претседател Володимир Зеленски
Сирски: Украина држи дел од Покровск, војниците се повлекуваат од некои позиции
Украинските војници држеа делови од опколениот град Покровск од средината на ноември, но на некои единици им беше наредено да се повлечат од непрактични позиции надвор од градот во изминатата недела, изјави во вторникот вечерта украинскиот врховен командант
Александар Сирски
Трамп тврди дека не ѝ ветил на Унгарија „финансиски штит“ од 20 милијарди долари
Американскиот претседател Доналд Трамп изјави дека не ветил 20 милијарди долари финансиска поддршка за Унгарија, што е спротивно на претходните изјави на унгарскиот премиер Виктор Орбан