Портпаролката на израелската влада во неделата негираше дека турските војници ќе бидат дел од меѓународните сили кои од израелската армија треба да ја преземат контролата врз разорената палестинска енклава Појасот Газа.
„Нема да има турски војници на терен“, одговори Шош Бедросјан кога беше прашана за можноста за турско воено присуство.
Планот на американскиот претседател Доналд Трамп за ставање крај на двегодишната војна во палестинската енклава предвидува привремени меѓународни сили за стабилизација кои ќе бидат одговорни за безбедноста во Појасот Газа.
Силите сè уште не се формирани, а многу земји бараат таа да биде потврдена со мандатот на Советот за безбедност на Обединетите нации.
Запрашан за израелските приговори на идејата за турски сили во Газа, американскиот амбасадор во Турција, Том Барак, претходно овој месец на безбедносната конференција во Манама, изјави дека Турција ќе биде дел од меѓународните сили.
Американскиот потпретседател ЏејДи Венс минатиот месец изјави дека Анкара ќе игра „конструктивна улога“, но и дека Вашингтон нема да му наметнува ништо на Израел во врска со странските сили „на негова територија“.
Слични новости
Замир постави нова граница со Појасот Газа
Началникот на Генералштабот на израелската армија, Ејал Замир, изјави дека линијата до која се повлекоа израелските сили сега е новата граница меѓу Израел и палестинските територии
Индонезија се справува со последиците од поплавите во кои загинаа над 900 луѓе
Индонезија се справува со последиците од масовните лизгања на земјиштето и ненадејните поплави предизвикани од циклонот на островот Суматра минатата седмица, при што бројот на жртвите во неделата надмина 900 луѓе
Макрон по примерот на Трамп ѝ се закани со царини на Кина
Францускиот претседател Емануел Макрон изјави дека му се заканил на Пекинг со царини за време на посетата на Кина доколку не преземе мерки насочени кон намалување на растечкиот трговски суфицит со Европската унија