Израел продолжува да бомбардира цели во иранскиот главен град Техеран, а Иран возврати со напади врз повеќе израелски и американски цели. Скај њуз пренесе дека иранската војска лансирала повеќе дронови со долг дострел кон резервоарите за гориво во воздухопловната база Рамат Давид во Израел.
Иранската државна агенција објави дека е погоден американски танкер за нафта во северниот дел од Персискиот залив кој е во пожар.
Во друг напад со ракети и дронови бил погоден аеродромот Нахчиван во Азербејџан кои предизвикале пожар, пренесе Ројтерс повикувајќи се на извори во азербејџанската влада.
Иран соопшти и дека го спречил обидот на прекугранични сепаратисти да влезат во Иран и дека наводно тие групи претрпеле тешки загуби.
Техеран објави и дека отпочнал бран ракетни напади врз американски и израелски цели, но овие информации не се официјално потврдени.
Слични новости
Трамп повторно се закани дека Америка ќе излезе од НАТО
Во интервју за британскиот „Телеграф“, Трамп изјави дека по завршувањето на војната со Иран „речиси и да нема дилема“ дека ќе мора да се преиспита американското присуство во НАТО.
Историски минимум за Трамп: Мнозинството Американци не се согласува со политиката на Белата куќа
Само 33 насто од испитаниците изјави дека го поддржува Доналд Трамп како претседател, додека дури 62 насто не ги одобруваат неговите потези. Особено е впечатливо дека дури 53 насто од анкетираните „силно се спротивставува“ на актуелниот курс на американската администрација.
Kувајтски танкер со нафта погоден во Дубаи
Кувајтската нафтена корпорација соопшти дека танкерот за нафта „ал-Салми“ бил погоден од „непознат проектил“ покрај брегот на Дубаи во Обединетите Арапски Емирати. Фирмата вели дека пожарот на бродот е локализиран, целиот екипаж е безбеден и не е идентификувано никакво влијание врз животната средина.