Израел го повика канадскиот премиер Марк Карни да го преиспита своето ветување дека ќе ја почитува наредбата за апсење на Меѓународниот кривичен суд (МКС) за премиерот Бенјамин Нетанјаху доколку дојде во Канада.
Агенцијата Bloomberg News минатата седмица објави интервју со Карни во кое беше прашан дали ќе го исполни ветувањето на неговиот претходник на премиерската должност Џастин Трудо да го уапси Нетанјаху по обвинение за воени злосторства доколку дојде во Канада, на што Карни рече дека ќе го стори тоа.
„Веруваме дека премиерот Карни, секако, треба да го преиспита ова и да го поздрави во Канада премиерот Нетанјаху, лидерот на единствената еврејска држава и демократска земја на Блискиот исток“, изјави за новинарите портпаролката на израелската влада, Шош Бедросјан.
Минатата година МКС издаде наредба за апсење на Нетанјаху за наводни воени злосторства и злосторства против човештвото во конфликтот во Газа. Израел, кој не ја признава јурисдикцијата на Хашкиот трибунал како и неговиот сојузник САД, ја отфрла надлежноста на судот со седиште во Хаг и ги негира воените злосторства во Газа.
Бедросјан рече дека одлуката на Канада да признае палестинска држава е „награда за тероризмот“ и „само додаде масло на антисемитскиот оган во Канада“.
Слични новости
ЕК ги отфрла критиките кон ЕУ во стратегијата на САД
Европската комисија на Урсула фон дер Лајен во петокот ги отфрли критиките на сметка на Европската унија во новиот американски документ во кој се опишува стратегијата за националната безбедност, а истовремено започнаа првите реакции меѓу европските политичари
Шведска ќе ја намали развојната помош за пет земји, ќе ги пренасочи парите за Украина
Шведска ќе ја намали помошта за развој за пет земји во наредните години и ќе ги искористи парите за да ја зголеми поддршката за Украина, соопшти шведската влада во петокот
Путин кај Моди: Продолжуваме да ја снабдуваме Индија со нафта без прекин
Рускиот претседател Владимир Путин, кој се сретна со индискиот премиер Нарендра Моди во петокот Њу Делхи, изјави дека Москва ќе продолжи да „испорачува нафта без прекин“ во Индија