Израел го нападна Бејрут во неделата третпат од кревкото примирје договорено на 27 ноември минатата година, што го поттикна либанскиот претседател Жозеф Аун да ги повика гарантите на мирот Франција и САД да ги запрат нападите.
Кабинетот на израелскиот премиер Бенјамин Нетанјаху соопшти дека нападот бил насочен кон зграда што ја наводно користии либанското шиитско движење Хезболах за складирање на „прецизни наведувани ракети“ и вети дека ќе ја спречи проиранската групација да ги користи јужните предградија на Бејрут како „безбедно засолниште“.
Дописник на AFP видел облак од чад како се издига над зградата по нападот. Либанските телевизиски канали емитуваа снимки од пожар околу зградата слична на хангар.
Израелската армија претходно издаде предупредување до цивилите да се евакуираат од густо населената населба.
„Итно предупредување до оние во јужните предградија на Бејрут, особено во населбата Хадат: Секој што е присутен во зградата означена со црвена боја на приложената мапа, како и во соседните згради, е блиску до објектите на Хезболах“, изјави воениот портпарол Авичај Адрае на X, додавајќи: „Мора да се евакуирате“.
Кабинетот на Нетанјаху соопшти дека Израел „нема да дозволи Хезболах да се зајакне и да создаде каква било закана против него, никаде во Либан“. Во подоцнежно соопштение, војската изјави дека „складирањето ракети во оваа инфраструктура е јасно кршење на договорот меѓу Израел и Либан“.
Но, либанскиот претседател го осуди нападот како ново кршење на прекинот на огнот од 27 ноември и ги повика гарантите да ги запрат континуираните напади на Израел. Аун ги повика „САД и Франција, како гаранти на договорот за прекин на огнот, да преземат одговорност и да го принудат Израел веднаш да ги запре нападите“.
Слични новости
Трамп ја повика Русија да престане со нападите, вели дека Зеленски би можел да го предаде Крим
Американскиот претседател Доналд Трамп ја повика Русија да ги запре нападите врз Украина и наговести дека украинскиот претседател Володимир Зеленски е подготвен да се откаже од Крим за да постигне мировен договор со Москва
Претходната американска помош нема да биде вклучена во договорот за минералите, објави Шмихал
Украина постигна договор дека претходната американска воена помош за Киев нема да биде дел од минералниот договор што има намера да го потпише со Вашингтон, изјави во неделата украинскиот премиер Денис Шмихал
САД: Военото распоредување на Северна Кореја за руската војна во Украина мора да престане
Американскиот Стејт департмент соопшти дека е загрижен за директното вклучување на Северна Кореја во војната на Русија во Украина и дека распоредувањето на воени сили на Пјонгјанг во Русија мора да престане