Израелскиот премиер Бенјамин Нетанјаху во среда доцна вечерта изјави дека армијата и разузнавачката служба за внатрешна безбедност Шин Бет ги вратиле телата на двајца заложници од Газа.
Во соопштение за медиумите Нетанјаху изјави дека се вратени телата на заложникот Јаир Јаков и уште едно лице, чиј идентитет сè уште не е дозволено да се објави.
Израелската војска соопшти дека милитантите од палестинската група Исламски џихад го киднапирале и убиле Јаков за време на нападот на 7 октомври 2023 година во јужен Израел. Милитантите, исто така, ја киднапирале и партнерката на Јаков, Меирав Тал, и две од неговите деца, Ор и Јагил, но подоцна ги ослободиле, објасни армијата.
Јаков имал 59 години кога бил убиен.
Армијата соопшти дека го известила семејството на другиот заложник, додавајќи дека телата се пронајдени од областа Кан Јунис во јужна Газа.
Во Газа сè уште има 53 заложници, а се верува дека помалку од половина од нив се живи.
Израелските сили овој месец ги пронајдеа и вратија телата на пет заложници.
Хамас и други милитанти од Газа киднапираа 251 лице за време на нивниот напад во 2023 година, во кој загинаа околу 1.200 луѓе во Израел. Во израелската војна против Хамас што следеше, речиси 57.000 Палестинци загинаа во Газа, според здравствените власти во крајбрежната енклава.
Слични новости
Во иранските напади убиени тројца, а ранети 80 Израелци, Техеран и Ерусалим најавуваат продолжување на војната
Официјален Ерусалим соопшти дека во синоќешните два брана напади од Иран врз Израел со околу 150 балистички ракети биле убиени тројца луѓе, а 80 се ранети. Неколкумина од ранетите се во тешка состојба, соопштија израелските власти
Израелската војска соопшти дека нападите врз Иран само што почнаа
Израелската војска соопшти дека нејзините воздухопловни сили продолжуваат да го напаѓаат Иран и дека операцијата тукушто започна. Израел ноќеска отпочна напад врз Иран, наведувајќи дека се гаѓани нуклеарни објекти, фабрики за балистички проектили, воени команданти и физичари, чија цел е да се спречи Техеран да развие нуклеарно вооружување.
Трамп: Се надевам дека Иран ќе се врати на преговарачката маса по нападите
Претседателот на САД Доналд Трамп денеска изјави дека Иран не може да има нуклеарна бомба и дека САД се надеваат дека властите во Техеран ќе се вратат на преговарачката маса.