Израелскиот министер за надворешни работи Гидеон Сaар изјави во вторникот дека Израел е подготвен да продолжи со втората фаза од договорот за прекин на огнот во Газа, се додека Хамас е подготвен да ослободи повеќе од 59 заложници што сè уште ги држи во заробеништво.
Борбите во Газа престанаа на 19. јануари според договорот за прекин на огнот со посредство на американски, катарски и египетски посредници. Хамас досега размени 33 израелски заложници и пет Тајланѓани за околу 2.000 палестински затвореници и притвореници.
Но, првичниот 42-дневен прекин на огнот истече, а Хамас и Израел, кој го блокираше влезот на камиони со хуманитарна помош во Газа, и натаму се расправаат за пошироки прашања, вклучително и повоеното управување со Газа и иднината на Хамас.
„Подготвени сме да продолжиме со спроведувањето на втората фаза. Но, за да го продолжиме времето или рамката, потребен ни е договор за ослободување на уште заложници“, им рече Саар на новинарите во Ерусалим додека арапските челници се подготвуваат да се состанат во Каиро за да разговараат за планот за да се постигне траен крај на војната.
Хамас тврди дека сака да премине во втората фаза од преговорите што треба да го отвори патот за траен крај на војната, што ќе вклучи целосно повлекување на израелските воени сили од разурнатата палестинска енклава и враќање на преостанатите 59 заложници земени во нападот на Хамас врз Израел на 7 октомври 2023 година.
Но, Израел сака да ослободи што е можно повеќе заложници како дел од продолжувањето на првата фаза, наместо да премине на втората. Израелските челници во неделата објавија дека го поддржуваат и прифаќаат компромисното американско решение, кое Хамас го отфрли. Со него се предвидува продолжување на првата фаза од прекинот на огнот до средината на април – за време на муслиманскиот пост Рамазан, кој започна во саботата, до по еврејскиот празник Пасха во април.
Специјалниот пратеник на американскиот претседател Доналд Трамп за Блискиот Исток, Стив Виткофф, се очекува да го посети регионот во наредните денови за да разговара дали примирјето ќе биде продолжено или ќе премине во втора фаза, објави во понеделникот Стејт департментот.
Саар негираше дека Израел го прекршува договорот со тоа што не ја иницира втората фаза од преговорите. Рече дека нема „автоматизам“ меѓу двете фази, додавајќи дека самиот Хамас го прекршил договорот, при што го запленил најголемиот дел од хуманитарната помош. Хуманитарните групи велат дека грабежот и незаконското киднапирање на камиони со хуманитарна помош во Газа е голем проблем, но Хамас, исламистичката милитантна група која ја презеде власта во Газа по изборите во 2006 година, негира дека запленила стока за нејзините припадници.
Секое суспендирање на хуманитарните испораки може да има драматични последици за приближно два милиони жители на Газа кои живеат во нехумани услови.
Слични новости
Зеленски: Украина никогаш нема да ги признае окупираните територии како руски
Украина никогаш нема да ги признае окупираните територии за руски, изјави во средата украинскиот претседател Володимир Зеленски, ден откако во саудиска Џеда неговите претставници го прифатија американскиот предлог за триесетдневно примирје во војната со Русија
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада
Руски извори се скептични за американскиот предлог за 30-дневен прекин на огнот
Руски извори реагираа претпазливо на предлогот на САД за 30-дневен прекин на огнот што Киев го поддржа во средата, велејќи дека секој договор за ставање крај на војната во Украина треба да го земе предвид напредокот на Русија и да одговори на загриженоста на Москва