Израелски технички тим е во Доха на разговори со катарските посредници за „преостанатите прашања“ од договорот за прекин на огнот во Газа и ослободување на заложниците, изјавил за Reuters во понеделникот официјален претставник запознаен со преговорите.
Преговорите во моментов се фокусирани на надминување на разликите меѓу Хамас и Израел според предложениот договор на американскиот претседател Џо Бајден.
Напорите на Египет, Катар и Соединетите држави да посредуваат за прекин на огнот во Газа и да преговараат за ослободување на заложниците беа плодни во последните седмици, иако ништо не е договорено, оценува Reuters.
Повеќе од една година овие три земји водеа досега неефикасни преговори за ставање крај на 14-месечната војна во Газа. Во претходните рунди, несогласувањата околу новите барања на Израел за неговото воено присуство во Газа беа пречка за договорот, дури и откако Хамас ја прифати верзијата на предлогот на Џо Бајден во мај. Преговорите во октомври не дадоа резултат, а Хамас го отфрли предлогот за краткорочно примирје.
Слични новости
Украина ја презеде одговорноста за убиството на рускиот генерал, Москва најави одмазда
Украинската служба за државна безбедност (СБУ) ја презеде одговорноста за убиството на висок руски воен функционер во Москва во вторникот наутро, изјави извор од СБУ за AFP и Reuters, а Русија најави одмазда за чинот
ОН изразија поддршка за хуманитарните цели на новата сириска влада
Потсекретарот за хуманитарни прашања и координаторот за итни случаи на Обединетите нации (ОН), Том Флечер во понеделникот се сретна со командантот на новата сириска влада Ахмад ал-Шар и новоименуваниот премиер Мохамед ал-Башир, на разговори за зголемување на хуманитарната помош за земјата
Калас: ЕУ треба да ги ублажи санкциите по „позитивните чекори“ на сириските власти
Европската унија треба да ги ублажи санкциите кон Сирија доколку новото водство на земјата преземе „позитивни чекори“ за формирање инклузивна влада која ги почитува правата на жените и малцинствата, рече еврокомесарката за надворешни работи, Каја Калас