Израелскиот министер за одбрана вели дека Либан мора да го разоружа Хезболах

Според договорот од 2024 година, со кој се стави крај на повеќе од една година конфликт меѓу Израел и Хезболах, Либан се согласи дека само на државните безбедносни сили ќе им биде дозволено да носат оружје во земјата, што претпоставува целосно разоружување на Хезболах кој инаку има силно влијание во владите на земјата според неговата застапеност во либанскиот парламент и договорите со кои се распоредуваат трите главни функции на верските заедници.

САД, Саудиска Арабија и ривалите на шиитски Хезболах во земјата оттогаш вршат притисок врз Либан да ја разоружа милицијата.

Либански воен извор за Reuters изјави дека тие дигнале во воздух толку многу складишта за оружје на Хезболах што им снемало експлозив, но дека морале да бидат внимателни да не ги зголемат тензиите во Либан.

Хезболах, некогаш доминантна политичка партија во земјата, се тврди дека е значително ослабен во минатогодишната војна против Израел, во која загинаа наводно илјадници негови борци и долгогодишниот лидер Хасан Насралах. Во војната загинаа и над 1.100 жени и деца и беа уништени големи делови од јужен и источен Либан.

Хезболах јавно се согласи на прекин на огнот, не се спротивстави на запленувањето оружје на југ и не го нападна Израел од ноемвриското прекинување на огнот. Сепак, инсистира дека разоружувањето споменато во текстот на договорот се однесува само на јужен Либан и навестува дека конфликтот е можен доколку државата преземе натамошни чекори против движењето.