Израелската армија започна напад врз Газа, бидејќи Израел и палестинската милитантна група Хамас се обвинуваат меѓусебно за кршење на примирјето постигнато со посредство на САД, кое има за цел да се стави крај на војната во енклавата, објавија израелските медиуми во недела.
Досега нема коментари од армијата или од Хамас за нападот.
Израелскиот јавен медиум Kan објави дека воздухопловните сили ја напаѓаат Рафа во јужна Газа. Повеќето медиуми го опишаа нападот како воздушен напад.
Израелската армија во петокот објави дека „неколку терористи“ отвориле оган врз војниците во областа Рафа, без да ги повредат. Армијата подоцна објави дека истиот ден погодила друга група „терористи“ кои се приближувале кон војниците во Кан Јунис.
Израелската војска ќе продолжи да дејствува за да ги елиминира непосредните закани, се вели во соопштението.
Израелската влада и Хамас со денови се обвинуваат меѓусебно за кршење на примирјето, а Израел објави дека граничниот премин Рафа меѓу Газа и Египет, кој требаше да се отвори во понеделник, ќе остане затворен до понатамошно известување.
Израел и Хамас спорат околу враќањето на телата на мртвите заложници. Израел бара Хамас да ги исполни своите обврски за предавање на преостанатите 28 тела на заложниците. Хамас ги врати сите 20 заложници живи и 12 мртви, но рече дека процесот бара напор и специјална опрема за извлекување на телата закопани под урнатините.
Слични новости
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков
Најмалку 23 мртви во пожар во ноќен клуб во Гоа
Најмалку 23 лица, меѓу кои и неколку странски туристи, загинаа во пожар во популарниот ноќен клуб Арпори во индиската држава Гоа