Израелските безбедносни сили ја проширија воената операција до Нур Шамс на окупираната палестинска енклава Западен брег, изјави во неделата воен портпарол, најавувајќи проширување на воената операција на окупираната територија.
Армијата, полицијата и разузнавачките служби започнале „антитерористичка операција“ во Џенин на 21. јануари, која властите ја опишаа како „голема и значајна воена операција“.
Израелската војска соопшти дека во операцијата биле убиени неколку милитанти, а неколку осомничени по кои се трага биле приведени.

Џенин е локација на густо населен бегалски камп населен со Палестинци кои беа протерани во војната во 1948 година со која беше основана државата Израел. Бегалскиот камп со децении беше центар на воена активност и цел на повеќекратни напади на израелските безбедносни сили.
Израелските сили, поддржани од хеликоптери и оклопни булдожери, го започнаа нападот врз населбата на 21. јануари, два дена по стапувањето на сила на прекинот на огнот меѓу Израел и милитантната група Хамас.
Израел го гледа Западниот брег како само дел од војната на повеќе фронтови со палестинските групи базирани долж неговите граници, од Газа до Либан и Јемен, и веднаш го пренасочи своето внимание кон регионот по прекинот на борбите во Газа.
Агенцијата на Обединетите нации за палестински бегалци (UNRWA) објави дека речиси сите 20.000 жители на кампот Џенин се раселени во последните два месеца.
Хамас минатата седмица повика на „ескалација на отпорот“ против Израел по уривањето на зградите во Џенин.
Палестинската самоуправа, предводена од движењето Фатах на претседателот Махмуд Абас, има делумна контрола над Западниот брег, каде живеат околу три милиона Палестинци а е воено контролиран од Израел.
Од почетокот на операцијата, израелските сили се вклучија во наводно вооружени битки со милитантите. Министерот за одбрана Израел Кац рече дека безбедносните сили ќе останат таму додека операцијата не заврши, без да каже кога тоа ќе биде.
Најмалку 25 Палестинци се убиени од почетокот на воената операција во Џенин, меѓу кои девет членови на вооружени групи, еден 73-годишен маж и едно двегодишно девојче. Израелската војска тврди дека убила најмалку 35 милитанти и уапсила повеќе од 100 лица на списоците на барани лица.
Палестинската новинска агенција WAFA, исто така, објави дека израелските сили минатата седмица убиле 27-годишен маж за време на рација во бегалски камп во близина на Хеброн.

Слични новости
Данска порачува дека САД не може да го анектираат Гренланд
Министерот за надворешни работи на Данска Ларс Локе Расмунсен изјави дека Гренланд не може да биде анектиран од никого, реагирајќи на изјавата на американскиот претседател Доналд Трамп за можна анексија на Гренланд од Америка.
Мицотакис направи реконструкција на Владата, Герапетритис останува шеф на дипломатијата
Промени во неколку Министерства меѓу кои и оние за национална економија и финансии, за инфраструктура и транспорт, за енергетика, за миграција итн, направи грчкиот премиер Кирјакос Мицотакис, додека пак Јоргос Герапетритис и Никос Дендиас се меѓу министрите кои останаа на нивните позиции, односно во Министерствата за надворешни работи и за национална одбрана
Венс: Би бил шокиран доколку Трамп сака нуклеарно оружје подалеку на истокот на Европа
Американскиот потпретседател ЏејДи Венс изјави во четвртокот дека би бил шокиран доколку претседателот Доналд Трамп би сакал нуклеарното оружје на САД да биде преместено понатаму на истокот во Европа кон границите на Русија.