Измени во законот за трансплантација, граѓаните можат да се согласат да донираат органи со потпис кај матичен лекар

На Електронскиот национален регистер на прописи  (ЕНЕР) од денеска е достапен предлог-законот за изменување и дополнување на Законот за земање и пресадување на делови од човечкото тело заради лекување.

Станува збор за олеснување на административните постапки и возможување секој граѓанин со изјава кај својот матичен лекар да се определи за потенцијален донор на ргани по смртта.

Министерот за здравство Алиу појасни дека целта на измените на законот е волјата на граѓаните да биде примарна, а системот потранспарентен и подоврелив.

Предвидено е и воведување национална листа која ја води Министерството за здравство во „Националниот систем за електронски евиденции во здравството“, како и други административно-технички доуредувања на законскиот текст.