Британската кралска ковница на пари одлучи да му оддаде почит на Фреди Меркјури, фронтменот на рок-групата Queen, со нови монети на кои е прикажан неговиот лик, за кој сестрата на музичарот рече дека многу би му значело.
Новите монети го прикажуваат харизматичниот музичар среде настап, со неговиот потпис. Кралската ковница соопшти дека деталите на монетите, преку внимателно осмислен дизајн, зборуваат за извонредниот талент на Меркјури.
Вокалниот опсег од четири октави на пејачот е претставен со музичка партитура со линија што ги поврзува најниските и највисоките ноти, а работ на монетите е инспириран од металната нараквица што Меркјури ја носеше за време на неговиот настап на Live Aid.
Некои од примеротците се во боја, оживувајќи ја познатата жолта јакна на музичарот и неговата жива енергија, пренесува dpa.
Новата монета беше претставена во годината што ја одбележува и 40-годишнината од концертот Live Aid во 1985 година, како и објавувањето на соло албумот на Меркјури „Mr Bad Guy“.
Монетите се достапни за продажба на веб-страницата на Британската кралска ковница од вторник – најевтината чини 18,5, а најскапата чини дури 9.350 фунти.
Слични новости
Откриена галаксија слична на Млечниот пат стара 12 милијарди години
Индиските астрономи открија масивна галаксија слична на Млечниот пат која е стара околу 12 милијарди години, пренесе Би Би Си. Таа е голема колку една третина од млечниот пат и содржи околу 10 милијарди ѕвезди
Скарлет Јохансон во завршни преговори за да игра во новиот Бетмен
По четири години кога за последен пат играше во филм со стрип јунаците на Марвел Скарлет Јохансон е на чекор да се врати во Готам. Како што известуваат холивудските медиуми, таа е во завршни преговори за да игра во Бетмен 2, секвелот на хитот на Мат Ривс од 2021
Лондонската божикна елка која традиционално ја поклонува Норвешка, вечерва ќе биде осветлена на Трафалгар
Елката симболизира пријателство меѓу Лондон и Осло во церемонија која потсетува на историјата на сојузништво меѓу двете земји. Овогодишната елка наречена „Вечниот Осло“ е висока околу 20 метри и е стара 60 години.