Во деновите откако Луиџи Манџоне беше обвинет за убиство на извршниот директор на американското здравствено осигурување, илјадници луѓе донираат пари на интернет за негова правна одбрана и беа објавени пораки за поддршка, а некои дури и го слават злосторството.
Во Њујорк на ѕидовите се појавија плакати со лицата на разни директори со натписот „СЕ БАРА“. Интернет-страниците продаваат стока со ликот на Манџоне, вклучително и капи на кои пишува „Ловец на директори“ преку стрелачка цел. А некои корисници на социјалните мрежи се вљубија во неговата насмевка и стомачните мускули.
Манџионе е обвинет за убиството на извршниот директор на „UnitedHealthcare“, педесетгодишниот Брајан Томпсон, татко на две деца, на 4 декември пред хотел на Менхетен, што предизвика петдневна потрага по маскираниот вооружен напаѓач.
Многумина го осудија злосторството за кое е обвинет, но фотогеничното 26-годишно момче, образувано на универзитетот Ајви Лиџ, стана мешавина од народен херој, ѕвезда и интернет миленик во одредени кругови. Неговата поддршка навидум само порасна по неговото апсење во понеделникот.
Повеќето од пораките на платформата за собирање средства GiveSendGo ја одразуваат длабоката фрустрација на многу Американци од американскиот здравствен систем, во кој некои третмани и надоместоци може да се задржат од пациентите во зависност од тоа што покрива нивното осигурување, но и пошироко незадоволство од растечката нееднаквост во приходите и зголемување на платата на извршните директори.
„Да се ускратат (медицинските услуги засновани на) здравствено осигурување е убиство, но никој не е обвинет за тоа кривично дело“, напиша еден донатор, нарекувајќи го убиството „оправдано“.
Неколку други едноставно напишаа „Deny, Defend, Depose”, зборови наводно напишани на чаурите пронајдени на местото на убиството, за кои критичарите велат дека се однесуваат на тактиките на осигурителните компании да избегнат плаќање за лекување на осигурениците.
Повеќе од 31.000 долари беа собрани до средата, и тоа само на платформата GiveSendGo.
Манџионе е притворен во Пенсилванија под обвинение за нелегално поседување оружје и фалсификување документи, додека обвинителите во Њујорк бараат негова екстрадиција. Неговиот адвокат рече дека има намера да се изјасни за невин по обвиненијата во Пенсилванија.
Кај Манџионе е пронајдено огнено оружје и пригушувач што одговара на оружјето што се користело за пукање во Томпсон, како и облека и маска слична на онаа што ја носел убиецот, изјави Џесика Тиш од Њујоршката полиција.
Други докази пронајдени кај него вклучуваат рачно напишани документи кои го прикажуваат неговиот наводен криминал како легитимен одговор на она што тој го гледа како корпоративна алчност, објавија некои медиуми.
Американците плаќаат повеќе за здравствена заштита од жителите на која и да е друга земја, а податоците покажуваат дека во последните пет години трошењето на премиите за осигурување е зголемено, како и трошоците за фармацевтските производи и болничките услуги.
Според неговите пријатели и објавите на социјалните мрежи, Манџоне страдал од хронични болки во грбот што влијаеле на неговиот секојдневен живот, но не е јасно дали неговата лична здравствена состојба имала улога во пукањето.
Слични новости
Делови на Лос Анџелес претворени во пепел, расте бројот на жртвите од пожарите
Пожарникарите веќе петти ден се обидуваат да ги стават под контрола разурнувачките пожари во Лос Анџелес кои досега однесоа најмалку 11 жртви, а околу 180 000 луѓе се евакуирани. Огинот уништи цели станбени населби на Лос Анџелес, меѓу кои и домовите на некои од холивудските филмски ѕвезди.
Во недела се гласа на вториот круг од претседателските избори во Хрватска
На актуелниот хрватски претседател Зоран Милановиќ му недостигаше многу малку за да стигне до над 50 насто од освоените гласови и да победиво првиот круг. Милановиќ доби 49,09 насто од гласовите. За кандидатот на ХДЗ гласаа 19,36 насто од изборачите, а разликата од 30 проценти меѓу двајцата кандидати кои влегуваат во вториот круг е најголема во историјата на Хрватска.
Рекордно жешката 2024., првата што го надмина прагот на затоплување од 1,5 степени Целзиусови
Минатата година беше најтоплата досега забележана и прва што го надмина клучниот праг на глобалното затоплување од 1,5 степени Целзиусови над прединдустриските температури, велат научниците