Зоотопиа 2 стана најуспешен холивудски блокбастер за 2025 за само 18 дена

Анимираниот филм на Дизни „Зоотопиа 2“ за 18 дена прикажување заработи една милијарда и 136 милиони долари, што го прави најуспешен филм во Холивуд за 2025. Единствен друг филм што ја мина границата од милијарда долари заработка е Лило и Стич кој на Бокс Офисот заработи милијарда и 38 милиони долари.

Една од причините за фантастичниот успех на „Зоотопиа 2 “ е пазарот во Кина каде што филмот надмина заработка од 500 милиони долари. Филмот е сеуште прва на американскиот Бокс Офис и се очекува да продолжи со огромната заработка.

Следниот викенд пред божикните празници во кино салите ширум светот ќе почне да се прикажува новиот „Аватар“ на Џејмс Камерон, за кој се предвидува дека ќе ги урне сите рекорди на Бокс Офисот.