Зоотопиа 2 со фантастичен старт на празничниот Бокс Офис за денот на благодарноста

Анимираниот семеен филм „Зоотопиа 2„ на студиото Волт Дизни на Денот на благодарноста во средата заработи 39,5 милиони долари во САД, а се очекува за време на петдневниот празничен период до недела, филмот да заработи над 140 милиони долари на кино благајните во САД.

„Зоотопиа 2„ има голем успех и на странските пазари, каде што во средата заработи 41,6 милиони долари, а во Кина го собори рекордот и стана најуспешна премиера на анимиран филм.

На второто место на Бокс Офисот е мјузиклот „ Викед фор гуд“ кој надмина 200 милиони долари заработка во САД за само седум дена, а до недела се очекува филмот да стигне до заработка од 290 милиони долари.

Еден од фаворитите за Оскар оваа година „Нирнберг„ со Расел Кроу и Реми Малик засега заработи 14 милиони долари, што е солидно за филм кој не се очекува да биде блокбастер. Филмот засега се прикажува само на американскиот пазар.