Редок римски златник со ликот на Брут, убиецот на Јулиј Цезар, е продаден на наддавање во понеделникот во Женева за 1,89 швајцарски франци (1,98 милиони евра), објави во вторник женевската аукциска куќа Numismatica Genevensis.
Историскиот нумизматички артефакт го купил европски колекционер по „жестоко наддавање“ со осум онлајн понудувачи, објави аукциската куќа, пренесува The Guardian.
Почетната цена на златникот беше нешто повеќе од 800.000 евра (740.000 швајцарски франци).
„Очите на нумизматичарот светнуваат кога ќе видат ваква монета, бидејќи тоа е парче историја“, рече пред продажбата Френк Балдачи, шеф на аукциската куќа Numismatica Genevensis.
„Ауреус, златник кој се користел во древниот Рим, бил издаден од Брут и неговите пријатели една или две години откако го убиле римскиот владетел Цезар во 44 пред Христа“, вели Балдачи и додава дека монетата тешка осум грама е од големо историско значење.
Овој посебен ауреус го има профилот на Брут врамен со ловоров лисја од едната страна и е еден од само 17-те познати примероци.
Повторно се појави во 1950-те и беше објавен во приватен колекционерски каталог, а подоцна се појави на наддавање одржано во 2006 година во Цирих, каде што беше продаден на друг приватен колекционер за 360.000 швајцарски франци (околу 388.500 евра).
Паричката „не била искована во Рим, туку во ковачница што патувала со Брут и неговата војска додека се обидувал да ја преземе власта по убиството на Јулиј Цезар“, посочува Балдачи.
Монетата е складирана во херметички затворена кутија, за да се спречи манипулација и да се „гарантира нејзината автентичност“, објаснува Балдачи.
Слични новости
Гниење на мозокот ( Brain rot) избран за збор на годината од Оксфорд
Оксфорд за збор на годината го избра „гниењето на мозокот“ (Brain rot). Како што објаснуваат од Оксфорд овој поим значи „затупување“ на мозокот настанот од бескрајно „скролање“ на социјалните мрежи.
Бокс офис: Моана 2 достигна 600 милиони заработка за само две недели
Анимираниот блокбастер на Дизни Моана 2 продолжи да урива рекорди на Бокс офисот, достигнувајќи заработка од 600 милиони долари за само две недели прикажување. Во Америка филмот за викендот заработи 52 милиони долари, а во другите земји 103,4 милиони долари.
Дали Британците се одљубуваат од чајот и станува ли „старечки пијалок“?
Шолја топол чај, онаа типична и суштинска британска традиција во која луѓето на Обединетото Кралство уживале стотици години, одговорот на секоја криза, ритуалот на поврзување кога ќе дочекате некого во вашиот дом и првиот пијалок со кој многумина се будат, помладите Британци се чини дека повеќе и не е толку популарен.