Украинскиот претседател Володимир Зеленскии во средата вечерта разговарал со генералниот секретар на НАТО, Марк Руте, и други европски челници, со цел да добие итна помош за зајакнување на воените напори на Киев и да разговара за долгорочните безбедносни гаранции.
Зеленски им рече на новинарите дека разговорите во средата во Брисел и дискусијата со 27-те национални лидери на Европската унија следниот ден биле „многу добра можност да се разговара за безбедносните гаранции за Украина денес и утре“.
Додека европските челници инсистираат дека се фокусирани на непосредните потреби на Украина, некои официјални лица почнаа да разговараат за тоа како да се обезбеди безбедноста на оваа земја по завршувањето на војната, вклучително и можноста за распоредување европски трупи на нејзина територија.
Објавувајќи подоцна на социјалните мрежи, Зеленски рече дека тој и Руте имале „важен и многу значаен состанок“ фокусиран на „зајакнување на воздушната одбрана на Украина и обезбедување сигурност на мирот за кој работиме заедно“.
НАТО „ќе стори сé за Украина да биде што е можно посилна кога ќе се свртиме кон поактивна дипломатија“, нагласи Зеленски.
Разговорите во средата се одржаа во услови на неизвесност околу идната американска поддршка на Украина, при што новоизбраниот претседател Доналд Трамп се заложи за брз крај на војната и повика на итен прекин на огнот.
Руте рече дека разговорите во четвртокот ќе се фокусираат на обезбедувањето на Украина да биде „во најдобрата можна позиција“ кога и да ќе одлучи да влезе во мировни преговори со обезбедување повеќе системи за противвоздушна одбрана и друго оружје за зајакнување на борбата на Киев против руската инвазија.
На Руте и Зеленски подоцна им се придружиле група други европски челници.
НАТО не соопшти кој ќе присуствува на разговорите. Но, дипломатите рекоа дека меѓу нив ќе бидат германскиот канцелар Олаф Шолц, италијанскиот премиер Џорџа Мелони, полскиот претседател Анджеј Дуда, француските и британските министри за надворешни работи и високи претставници на ЕУ – Урсула фон дер Лајен и Антонио Кошта, забележува Reuters.
Претходно, Зеленски се сретна со францускиот претседател Емануел Макрон, кој ја уште во февруари ја покрена дискусијата за присуство европските трупи за Украина, која тогаш беше отфрлена поради стравувањата дека тоа може да предизвика директно вовлекување на НАТО во војната со Русија.
На прашањето како Велика Британија би одговорила доколку Зеленски побара да испрати британски војници во Украина, британскиот министер за надворешни работи Дејвид Лами изјави за Sky News дека не ја гледа подготвеноста на рускиот претседател Владимир Путин да преговара.
„Знам дека има многу шпекулации, но вистината е дека Путин не е човек со кој можете да преговарате додека предизвикува таков хаос на европска почва“, рече Лами.
„Дискусијата е за опремување на Украина за деновите што следат. Затоа се состануваме во ова многу мрачно време за да се осигураме дека Украина ќе ја преброди зимата и во 2025 година“, додаде британскиот министер.
Слични новости
Зеленски го отфрла планот на Трамп за мир во Украина
Украинскиот претседател Володимир Зеленски во интервју за францускиот весник Le Parisien зборуваше за можноста за преговори со Русија за примирје во Украина и за најавите во тој контекст на новоизбраниот американски претседател Доналд Трамп за крај на војната
Eвропската комисија предупреди на загрижувачката економска состојба во десет земји
Лошата економска ситуација во Германија и во девет други земји од Европската унија може да има негативни последици за целиот блок, предупреди во средата Европската комисија
Кошта: За сите нас проширувањето на ЕУ е приоритет и сме посветени на тоа
Бидејќи припаѓаме на исто европско семејство, делиме континент и што е најважно, заеднички вредности и заедничка историја. Второ, затоа што проширувањето е приоритет за сите нас. Ние веќе сме посветени на проширувањето и сите веруваме дека проширувањето е најважната геополитичка инвестиција во мирот, безбедноста и просперитетот, истакна Кошта.