Украинскиот претседател Володимир Зеленски во петокот ја напушти Белата куќа по вербалниот судир со американскиот претседател Доналд Трамп, кој го обвини дека е неблагодарен и искажува непоќитување кон Соединетите држави.
Претставник на Белата куќа, исто така, објави дека прес-конференцијата на двајцата челници е откажана. На прес-конференцијата требаше да потпишат и договор за користење на украинските ретки минерали.
И Трамп и потпретседателот ЏејДи Венс го обвинија Зеленски дека е неблагодарен за тригодишната американска поддршка.
„Она што го правите е непочитување на земјата – оваа земја што ве поддржа многу повеќе отколку што многумина мислеа дека треба“, рече Трамп на состанокот.
Американскиот потпретседател ЏејДи Венс интервенираше тврдејќи дека Зеленски не го почитувал Трамп затоа што дошол во Овалната соба да се расправа, на што Трамп се согласил.
Зеленски одговори: „Имам голема почит за вашата земја“.
Трамп во објавата на Truth Social по средбата напиша дека Зеленски „не е подготвен за мир доколку Америка е вклучена“.
„Утврдив дека претседателот Зеленски не е подготвен за мир доколку Америка е вклучена бидејќи верува дека нашата вклученост му дава огромна предност во преговорите. Не сакам предност, сакам МИР. Тој не покажа почит кон Соединетите Американски Држави во нивната ценета Овална соба. Може да се врати кога ќе биде подготвен за мир“, напиша Трамп.
Украинскиот и американскиот претседател Володимир Зеленски и Доналд Трамп се судрија вербално неколкупати во Белата куќа во петокот, украинскиот челник го повика американскиот колега да биде внимателен со Русија, а Трамп му кажа дека се коцка со Третата светска војна.
Двајцата лидери се состанаа во Овалната соба пред очекуваното потпишување на договорот за минерали за ретки земји. Зеленски отворено го критикуваше Трамп за неговиот „мек пристап“ кон рускиот претседател Владимир Путин.
„Ти се коцкаш со Третата светска војна“, му рече Трамп во еден момент на Зеленски, предупредувајќи го да биде поблагодарен. „Она што го правите е непочитување на земјата – оваа земја што ве поддржа многу повеќе отколку што многумина мислеа дека треба“, рече Трамп.
Зеленски одговори: „Имам голема почит за вашата земја“.
Американскиот потпретседател ЏејДи Венс интервенираше тврдејќи дека Зеленски не го почитувал Трамп затоа што дошол во Овалната соба да се расправа, на што Трамп се согласи.
Украинецот ги отфрли и тврдењата на Трамп дека украинските градови за три години се претворени во урнатини.
„Вашата земја е во голема неволја“, рече Трамп. Нагласи дека Путин сака да постигне договор.
„Луѓето умираат, ти снема војници“, му рече Трамп на Зеленски додека нивната средба се претвори во вербалнан пресметка.
Американскиот претседател му рече на Зеленски дека мора да постигне договор или САД ќе се повлечат.
Зеленски, пак, го повика Трамп „да не прави компромиси со убиец“, мислејќи на Путин.
Украинскиот претседател рече и дека Европа „навистина ѝ помогнала“ на Украина и дека „навистина дала многу“.
„Но, многу помалку од нас“, одговори Трамп, што Зеленски веднаш се обиде да го демантира.
Двајцата челници по средбата зад затворени врати ќе одржат заедничка прес-конференција на која се очекува да потпишат договор за минерали од ретки земји.
Слични новости
Канада им возвраќа на САД со царини од 29,8 милијарди долари
Канада ќе им воведе на САД царини во вредност од 29,8 милијарди канадски долари почнувајќи од четврток наутро како одговор на царините што ги воведе Вашингтон за челик и алуминиум, изјави канадскиот министер за финансии Доминик Лебланк
Трамп добил „позитивни пораки“ од Москва за примирјето во Украина
Американскиот претседател Доналд Трамп во средата изјави дека американски официјални претставници се упатуваат во Русија на разговори за американско-украинскиот договор за 30-дневен прекин на огнот и за патот кон мировните преговори
На самитот на Г7 нема да разговара за американското „преземање“ на Канада, вели Рубио
Американскиот државен секретар Марко Рубио во средата изјави дека на состанокот на министрите за надворешни работи на земјите од групата Г7, планиран да се одржи во четврток во Канада, нема да се разговара за „преземањето на Канада“ од страна на САД, како што повеќепати споменуваше американскиот претседател Доналд Трамп