Специјалниот претставник на американскиот претседател Доналд Трамп, Стив Виткоф, во среда ќе допатува во Турција и ќе учествува во разговорите со украинскиот претседател Володимир Зеленски, изјави турски извор за Reuters во вторникот.
Претходно Зеленски објави дека утре ќе биде во Турција по неговата днешена посета на Шпанија, додавајќи дека Украина се подготвува за повторно започнување преговори и дека „развила решенија“ што ќе им ги предложи на своите партнери. Виткоф ги предводеше дипломатските напори на Вашингтон за завршување на војната во Украина, состанувајќи се неколку пати со рускиот претседател Владимир Путин во Москва.
„Утре ќе одржам состаноци во Турција. Се подготвуваме да ги обновиме преговорите и развивме решенија што ќе им ги предложиме на нашите партнери“, објави тој на социјалните мрежи.
„Исто така, работиме на продолжување на размената на затвореници и враќање на нашите затвореници дома“, наведе Зеленски.
Украинскиот челник не сподели со кои официјални лица планира да се сретне, но турски извор во вторникот изјави дека специјалниот претставник на САД, Стив Виткоф, ќе ја посети Турција во среда и ќе се придружи на планираните разговори со украинскиот претседател.
Русија сè уште не одговорила на најавата на украинскиот претседател.
Во Истанбул се одржаа неколку рунди разговори во обид да се стави крај на руската инвазија на Украина, која започна во 2022 година, но разговорите досега не донесоа никаков значаен напредок.
Размената на затвореници и враќањата на останките се единствените конкретни резултати од овие разговори. Последната размена на затвореници беше во октомври.
Ставовите на двете страни за условите за мир, прекин на огнот, па дури и средба меѓу претседателите на завојуваните страни остануваат дијаметрално спротивни.
Володимир Зеленски од понеделник е на турнеја низ европските земји за да побара поголема поддршка од своите сојузници додека Русија ја бомбардира украинската енергетска инфраструктура пред зимата.
Тој треба да се сретне со шпанскиот премиер Педро Санчез и кралот Филип VI во вторник, еден ден по посетата на Франција.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков