За праведен мир во Украина и за „запирање“ на рускиот претседател Владимир Путин, потребно е единство на САД и Европската унија, како и во рамките на самата ЕУ, изјави во четвртокот украинскиот претседател Володимир Зеленски.
„Мораме да го постигнеме тоа единство за да постигнеме мир и само САД заедно со Европа можат да го запрат Путин и да ја спасат Украина“, рече Зеленски пред почетокот на самитот на ЕУ, на кој е поканет.
На прашањето дали Европа може сама да ја поддржи Украина, доколку новиот американски претседател престане да го прави тоа, Зеленски рече дека „би било многу тешко“.
„Ќе разговараме за ова кога Трамп ќе дојде во Белата куќа“, додаде украинскиот претседател.
Главни теми на самитот се помошта за Украина и улогата на ЕУ во светот.
Претседателот на Европскиот совет, Антонио Кошта го повтори ставот на ЕУ дека ќе стои на страната на Украина сѐ додека тоа е потребно.
„Можете да сметате на нашата целосна и непоколеблива поддршка, сеедно и колку и да е потребно“, рече Кошта, обраќајќи му се на Зеленски.
Слични новости
Лондон е разочаран од американските царини, но не планира контрамерки
Обединетото Кралство нема намера веднаш да воведе контрамерки против Соединетите држави откако во средата стапија на сила царините од 25 отсто за американскиот увоз на челик и алуминиум од целиот свет, како што вети американскиот претседател Доналд Трамп, објави во средата британската влада
Руски извори се скептични за американскиот предлог за 30-дневен прекин на огнот
Руски извори реагираа претпазливо на предлогот на САД за 30-дневен прекин на огнот што Киев го поддржа во средата, велејќи дека секој договор за ставање крај на војната во Украина треба да го земе предвид напредокот на Русија и да одговори на загриженоста на Москва
Поранешниот грузиски претседател Саакашвили осуден на нови 9 години затвор
Поранешниот грузиски претседател Михаил Саакашвили во средата беше осуден на уште девет години затвор, откако беше прогласен за виновен за проневера