Украинскиот претседател Володимир Зеленски изјави во средата дека има „позитивен развој“ во соработката со САД што може да доведе до нова средба наскоро.
Киев се обидува да ги поправи врските со Вашингтон откако Зеленски минатата седмица јавно се судри со американскиот претседател Доналд Трамп во Белата куќа за тоа како да се стави крај на војната во Украина.
„Денеска нашите украински и американски тимови почнаа да работат на состанокот. Разговараа Андриј Еермак и Мајк Валц“, рече Зеленски во вечерното обраќање, мислејќи на неговиот шеф на кабинет и американскиот советник за национална безбедност. „Тоа е позитивен развој. Се надеваме на првите резултати следната седмица“.
Еермак претходно рече дека Киев и Вашингтон се согласиле на нови разговори „во блиска иднина“, по телефонскиот повик со Валц.
Ермак на Telegram напиша дека тој и Валц „разговарале за нови мерки што треба да се преземат за да се постигне правeден и траен мир“ во Украина. „Се договоривме нашите тимови да се сретнат во блиска иднина за да ја продолжат оваа важна работа“, додаде тој.
Зеленски во вторникот рече дека Украина е подготвена да дојде на преговарачка маса што е можно поскоро и да работи под „силното водство“ на американскиот претседател Трамп за да постигне траен мир.
Слични новости
EK ќе претстави план за спротивставување на Русија
Се очекува Европската комисија во среда да претстави конкретен план до земјите-членки на ЕУ за тоа како, според неа, да се спротивстави на актуелните закани од Русија и другите агресивни актери, се вели во нацрт-документот во кој увид имала германската новинска агенција dpa
Украина поддржува прекин на нападите врз руската енергетска инфраструктура, изјави Зеленски
Украинскиот претседател Володимир Зеленски изјави во вторникот дека Украина ќе го поддржи предлогот на САД за запирање на нападите врз руската енергетска инфраструктура и дека се надева дека ќе разговара со американскиот претседател Доналд Трамп за неговиот телефонски разговор со рускиот претседател Владимир Путин
Нетанјаху изјави дека Израел ги продолжил борбите во Газа „со цела сила“
Израелскиот премиер Бенјамин Нетанјаху во вторникот изјави дека израелската војска постепено ги интензивира нападите врз цели на палестинското милитантно движење Хамас во Појасот Газа