Претседателот Володимир Зеленски во понеделникот се заложи за дипломатско решение за војната во Украина и предложи распоредување на странски трупи во земјата додека таа не се приклучи на НАТО.
Изјавите на украинскиот претседател на заедничката прес-конференција со германскиот опозициски лидер Фридрих Мерц сугерираат на зголемена отвореност на Киев за преговори додека Доналд Трамп се подготвува да се врати во Белата куќа на 20 јануари, оценува Reuters.
Новоизбраниот американски претседател повика на итен прекин на огнот и разговори за ставање крај на „лудилото“ во неделата по средбата со Зеленски и францускиот претседател Емануел Макрон во Париз.
„Украина сака крај на оваа војна повеќе од кој и да е друг. Без сомнение, дипломатско решение би спасило повеќе животи. Ние се стремиме кон тоа“, им рече Зеленски на новинарите во Киев во понеделникот.
Зеленски рече дека разговарал за „замрзнување“ на линиите на фронтот на средбата со Макрон и Трамп. Русија контролира речиси една петтина од територијата на Украина од започнувањето на инвазијата во 2022 година, што го предизвика најголемиот конфликт во Европа од Втората светска војна.
Зеленски рече дека им рекол на двајцата челници дека не верува оти Путин всушност сака да ја заврши војната и дека рускиот претседател „ќе мора да биде принуден на тоа“.
„Можете да примените сила само доколку Украина е силна. Силна Украина пред каква и да е дипломатија значи силна (Украина) на бојното поле“, рече Зеленски, имплицирајќи дека на Киев му е потребна дополнителна воена помош.
Зеленски се наврати и на идејата на Макрон од февруари, според која европските земји ќе испраќаат војници во Украина. За ова немаше консензус меѓу европските државници.
„Можеме да размислиме и да работиме на гледиштето на Емануел. Тој предложи дел од војниците на една земја да бидат присутни на територијата на Украина, што ќе ја гарантира нашата безбедност додека Украина не биде во НАТО“, рече Зеленски.
„Но, треба да знаеме кога Украина ќе биде во Европската унија и кога Украина во НАТО“, додаде тој.
„Ако паузата е додека Украина не е во НАТО, па дури и да имавме покана но не би биле во НАТО и би имало пауза, тогаш кој ни гарантира каква и да е безбедност?“, рече Зеленски на прес-конференцијата.
Слични новости
Блогери: Русија искористила гасовод за да ги изненади украинските сили во Курск
Руските сили извеле напад во окупираниот руски градот Суџа во неделата, откако специјалните сили искористиле гасовод за да ги изненадат украинските единици како дел од големата офанзива за протерување на украинските војници од западниот руски регион Курск
Шара повикува на мир, повеќе од илјада убиени во алавитскиот регион во Сирија
Сирискиот исламистички лидер Ахмед Шара повика на смиреност во неделата, откако повеќе од 1.000 луѓе, главно цивили, беа убиени во крајбрежните области во најголемото насилство по соборувањето на претедателот на Башар ал-Асад последните денови, според Сириската опсерваторија за човекови права (SOHR), со седиште во Лондон
Париз, Берлин, Рим и Лондон го поддржуваат арапскиот план за обновување на Газа
Министрите за надворешни работи на Франција, Германија, Италија и Велика Британија во заедничко соопштение изјавија дека го поддржуваат арапскиот план за обнова на Појасот Газа, кој ќе чини 53 милијарди долари и ќе го избегне иселувањето на Палестинците од енклавата, како што е предложено со планот на американскиот претседател Доналд Трамп