Зголемувањето на минималната плата на бараните 600 евра ќе предизвика затворање на голем број на занаетчиски дуќани и отпуштање вработени, предупреди денеска Занаетчиската комора – Скопје.
Според Комората, минималната плата треба да се пресметува во согласност со законот. Ако се зголеми на 600 евра, тоа би значело голем удар поради драстичното покачување на трошоците за придонеси.
Ние не сме против зголемувањето на минималната плата, но тоа треба да биде издржано, врз основа на добра анализа. Занаетчискиот сектор не може да го издржи ова темпо на континуирано зголемување на трошоците, порачаа занаетчиите.
Особено треба да се земе предвид состојбата на занаетчиите што работат во помалите градови и руралните средини, каде што постои голема миграција и значително помала потрошувачка на занаетчиски производи и услуги.
„За да опстанат и да ја зачуваат ликвидноста, занаетчиите ќе бидат принудени да ги зголемат цените, што дополнително ќе ја намали побарувачката и ќе доведе до затворање голем број занаетчиски бизниси“, рече на прес-конференција претседателот на Занаетчиската комора – Скопје, Горан Ристовски.
Како што истакна Ристовски, зголемувањето на минималната плата на 600 евра директно ќе ги засегне занаетчиите што паушално плаќаат данок по решение од УЈП и занаетчиите што плаќаат данок по реално остварен приход.
Слични новости
Филипче ја повика владата да побара веднаш екстрадиција на Груевски, ќе бара истрага и за парите од Будимпешта
Лидерот на СДСМ, Венко Филипче, побара од владата веднаш да побара екстрадиција на екс премиерот Никола Груевски, а од Будимпешта да го истражи потеклото и текот на парите што од Виктор Орбан стигаа во Македонија преку ВМРО-ДПМНЕ.
Новиот лидер на Унгарија Петар Маѓар најавува крај на гостопримството за Никола Груевски
Петер Маѓар, лидер на партијата Тиса која убедливо победи на изборите во неделата, изјави дека Унгарија нема да биде засолниште за странски криминалци со азил. Тој ја спомена и ситуацијата со Никола Груевски, нарекувајќи го престапник.
Владата најавува нови мерки за цените на храната
По завршувањето на Велигден, Владата се очекува на седница да донесе нов пакет мерки за справување со растот на цените на храната.