Зголемувањето на минималната плата на бараните 600 евра ќе предизвика затворање на голем број на занаетчиски дуќани и отпуштање вработени, предупреди денеска Занаетчиската комора – Скопје.
Според Комората, минималната плата треба да се пресметува во согласност со законот. Ако се зголеми на 600 евра, тоа би значело голем удар поради драстичното покачување на трошоците за придонеси.
Ние не сме против зголемувањето на минималната плата, но тоа треба да биде издржано, врз основа на добра анализа. Занаетчискиот сектор не може да го издржи ова темпо на континуирано зголемување на трошоците, порачаа занаетчиите.
Особено треба да се земе предвид состојбата на занаетчиите што работат во помалите градови и руралните средини, каде што постои голема миграција и значително помала потрошувачка на занаетчиски производи и услуги.
„За да опстанат и да ја зачуваат ликвидноста, занаетчиите ќе бидат принудени да ги зголемат цените, што дополнително ќе ја намали побарувачката и ќе доведе до затворање голем број занаетчиски бизниси“, рече на прес-конференција претседателот на Занаетчиската комора – Скопје, Горан Ристовски.
Како што истакна Ристовски, зголемувањето на минималната плата на 600 евра директно ќе ги засегне занаетчиите што паушално плаќаат данок по решение од УЈП и занаетчиите што плаќаат данок по реално остварен приход.
Слични новости
Евакуациски авион слета во Србија со 67 луѓе кои бегаат од Израел, меѓу нив и Македонци
Авион за евакуација на „Ер Србија“ со 67 патници, меѓу кои и македонски граѓани слетал синоќа во Белград од Шарм ел Шеик, соопшти Министерството за надворешни работи на Србија
Мицкоски -Руте: Потврдена македонската определба за јакнење на соработката со НАТО
Генералниот секретар на НАТО Марк Руте порача дека НАТО ќе ја брани секоја педа од својата територија и нема да дозволи појавување на безбедносен вакуум во регионот.
МНР разгледува опции за извлекување на македонските државјани од Дубаи по копнен пат
Над 400 македонски граѓани изразиле желба да бидат евакуирани. МНР соопшти дека е во постојан контакт со „пријателски земји и партнери“ за координирано извлекување.