Испораките на руски гас преку Турскиот тек за Европа се зголемени за 26,7 отсто во однос на јануари минатата година и достигнаа рекордни вредности, покажуваат податоците на Европската мрежа на оператори на гасни системи.
Во јануари преку гасната станица „Странџа 2 – Малкочлар“ лоцирана на турско-бугарската граница поминале 1,56 милијарди кубни метри гас или во просек по 50,3 милиони кубни метри дневно.
Тоа е за 26,7 отсто повеќе од истиот период во 2024 година, кога низ таа станица поминале вкупно 1,23 милијарди кубни метри гас или во просек 39,7 милиони кубни метри дневно.
Договорот за испорака на руски гас за Европа преку Украина истече на 31 декември, а Киев ја отфрли можноста за продолжување на договорот дури и ако трета земја го купи гасот пред тој да влезе на украинска територија.
Во моментов, единствениот начин на кој рускиот гас може да стигне до Европа е преку таканаречениот Балкански тек, кој е поврзан со Турскиот тек.
Низ оваа рута годишно минуваат вкупно околу 14-15 милијарди кубни метри гас кои се транспортираат во Романија, Грција, Северна Македонија, Србија, Босна и Херцеговина и Унгарија.
Слични новости
Инфлацијата во Германија ослабе на почетокот на 2025.
Инфлацијата во Германија ослабела во јануари, со значително поблаг раст на цените на храната, покажаа во петокот објавените прелиминарни пресметки на заводот за статистика
Туск со порака до Трамп: Не се плашиме, имаме одговор за американската царинска војна
Полскиот премиер Доналд Туск по најавата на американскиот претседател Доналд Трамп дека ќе воведе царини за стоки од ЕУ, рече дека гледа причина за загриженост, но не и за страв
САД за денеска најавуваат воведување царини за канада, Мексико и Кина
Американскиот претседател Доналд Трамп изјави дека од денеска ќе воведе високи царини од 25 насто за стоките од Мексико и Канада, како и 10 проценти за увозот од Кина, и порача дека ниту една од трите земји не може да направи ништо за да ја одложи одлуката за царините.