300 милиони денари, односно скоро 5 милиони евра, потрошила Државната лотарија за спонзорирање на прославата на 35-годишнината од независноста на Македонија. Приватни фирми дале уште 40 милиони денари за спонзорирање на настаните.
Владата во април годинава донела одлука да ја задолжи Државната лотарија, нераспределената добивка од 2024 година од 300 милиони денари, да ја намени за спонзорирање на прославата. Владината портпаролка инсистира дека тоа не се буџетски пари, иако Лотарија е во целосна државна сопственост.
Директорот на Лотарија вели дека откако биле задолжени од Владата да ја спонзорираат прославата ја почнале постапката, објавиле јавен повик за избор на понудувач на кој се јавиле само Авалон, преку нивната фирма Стардаст, со која склучиле договор за спонзорство од 300 милиони денари. Авалон има рок до 30 септември да даде отчет за потрошените пари.
Слични новости
СДСМ : Ароганцијата на Мицкоски и ВМРО нема крај-ја исмејуваат грижата за здравјето на граѓаните
СДСМ деновиве постојано предупредува за загадена вода низ Македонија, токму затоа што „власта на Мицкоски и неговата организирана криминална група ги крие податоците“.
Со наодите од градежното вештачење и распит на вештаците – продолжува судењето за „Пулс“
Со изведување на наодите од градежното вештачење на објектот „Пулс“ и распит на вештите лица што го изработиле, денеска во судницата во „Идризово“ треба да продолжи судењето за пожарот во кочанската дискотека, во кој загинаа 63 лица, а над 200 беа повредени.
Нови стравувања од ескалација: Истекува спогодбата меѓу САД и Иран, преговорите неизвесни
Меморандумот за разбирање што го потпишаа САД и Иран насочен кон окончување на војната траеше 60 дена и денеска истекува. Двете страни со недели заемно се обвинуваат за кршење на договорот и има слаби сигнали дека која и да е од страните е подготвена да го продолжи договорот.