Жителите на Санторини и околните грчки острови поминаа релативно мирна ноќ во споредба со изминатите денови, со оглед на тоа што не беа регистрирани голем број земјотреси и имаше само два со јачина од 4,2 степени, додека, пак, за 15 дена во морето меѓу Санторини и Аморгос имало над 15.300 земјотреси.
Сеизмологот Димитрис Папаниколау за грчката телевизија Антена утрото во четвртокот посочи дека не треба да залажува синоќешната блага сеизмичка активност, „бидејќи земјотресите ќе продолжат уште долго и ќе имаме земјотреси над 5 степени според Рихтер“.
Грчките сеизмолози изминатите денови истакнуваат дека конкретната појава може да трае со седмици, па дури и месеци, а категорично ја отфрлаат можноста за активирање на вулканот кај Санторини.
Според податоците од Интердисциплинарниот комитет за управување со опасности и кризи при Атинскиот универзитет од почетокот на серијата земјотреси во морскиот дел меѓу Санторини и Аморгос, односно од 26. јануари заклучно со 10. февруари, биле регистрирани над 15.300 земјотреси, од кои над 13.200 биле посилни од 1 степен.
Во понеделникот, на 10. февруари имало над 1.200 земјотреси, од кои повеќе од 240 биле посилни од 2,5 степени.
Имајќи предвид дека земјотресите интензивно се чувствуваат и на Аморгос што е во близина на епицентарот, со одлука на генералниот секретар за цивилна заштита на островот е прогласена вонредна состојба, нешто што беше одлучено и за Санторини минатата седмица.
Училиштата на Санторини, Иос, Аморгос и Анафи, поради земјотресите веќе втора недела се затворени.
Слични новости
Тензично во Белград пред големиот студентски протест закажан за 16 часот
Синоќа од разни правци на Србија пристигнуваа студенти кои беа пречекани од Белграѓани кои ги дочекаа на Теразије. Се проценува дека излегоа над 30.000 граѓани да ги дочекаат студентите
Мицотакис направи реконструкција на Владата, Герапетритис останува шеф на дипломатијата
Промени во неколку Министерства меѓу кои и оние за национална економија и финансии, за инфраструктура и транспорт, за енергетика, за миграција итн, направи грчкиот премиер Кирјакос Мицотакис, додека пак Јоргос Герапетритис и Никос Дендиас се меѓу министрите кои останаа на нивните позиции, односно во Министерствата за надворешни работи и за национална одбрана
Романија: Одбиена жалбата на Џорџеску против забраната за кандидирање на претседателските избори
Жалбата на романскиот крајно десничарски европскептичен политичар Калин Џорџеску против одлуката да му се забрани да се кандидира на повторените претседателски избори во земјата беше отфрлена во вторникот