Адвокатот Звонко Давидовиќ, бранител на апелациониот судија Ѓоко Ристов, кој е во куќен притвор, изјави дека истрагата за противправно стекнување и прикривање имот е правно проблематична и не може да се примени на судија.
Во изјава за ТВ24, Давидовиќ посочи дека одредбата од Кривичниот законик на која се повикува Обвинителството се однесува исклучиво на одговорни или службени лица во јавни установи, јавни претпријатија или органи кои управуваат со државен имот, а судството не спаѓа во таа категорија.
Според него, истата правна логика не може да се примени ниту на судии ниту на обвинители, што отвора сериозна дилема околу правната квалификација на делото.
Како клучен доказ, Обвинителството ги наведува 350 илјади евра пронајдени во домот на родителите на Ристов, но Давидовиќ тврди дека според записникот од претресот, парите биле пријавени како лични средства на родителите, што, како што нагласи, го потврдува и самата обвинителка.
Слични новости
Царинска управа: на граничниот премин Блаце спречен обид за криумчарење 120 килограми тутун за наргиле
Царински службеници на граничниот премин Блаце, на влез во државата, спречија обид за криумчарење на вкупно 120 килограми тутун за наргиле, со вредност од 384 илјади денари кои биле наменети за продажба на македонски пазар.
Драматичен пад на новородени бебиња во Македонија
Во Македонија, бројот на новороденчиња се намалил од 44.095 во 1960 година на рекордно ниските 16.061 во 2024 година, што ја истакнува сериозната демографска загриженост.
Поскапувањето на нафтата може да предизвика инфлаторна спирала
Економистите предупредуваат дека зголемувањето на цените на енергијата речиси секогаш води до повисоки цени на храната, бидејќи горивото, транспортот и ѓубривата се клучни алки во глобалниот синџир на снабдување со храна.