Заршницата на турнејата „Eras“ и документарната серија за Тејлор Свифт на Disney+

Во најава на платформата X, Свифт откри дека филмот „The Eras Tour: The Final Show“ ќе го прикаже целиот нејзин последен настап од Ванкувер, вклучувајќи изведба на песни од нејзиниот албум „The Tortured Poets Department“.

Disney+, исто така, ќе ја претстави и документарната серија од шест дела наречена „The End of an Era“, која ќе го донесе погледот од зад кулисите на периодот којшто самата Свифт го опиша како „најважното и најинтензивно поглавје“ од нејзината кариера. Серијата ќе се емитува во блокови од две епизоди на 12., 19. и 26. декември.

Турнејата „Eras“, која започна во март 2023 година, стана турнејата со најголема заработка во историјата, со заработка од повеќе од 2 милијарди долари од продажба на влезниците.

Претходниот филм, „Taylor Swift: The Eras Tour“, кој ја имаше премиерата во кино-салите минатата година, стана најуспешниот концертен филм на сите времиња.

Свифт освои 14 Греми награди, вклучувајќи рекордни четири за албум на годината.

Нејзиниот последен албум под наслов „The Life of a Showgirl“, забележа најголема продажба во првата седмица од издавањето во модерната музичка историја, според Billboard и Luminate.