Бунтот на студентите стана дел од поширок контекст. И додека Вучиќ во петокот одржа контрамитинг на своите приврзаници во Јагодина, бунтот на студентите се прошири и врз средните училишта, земјоделците, адвокатите и другите професии.
Претседателката на парламентот Ана Брнабиќ им се закани на студентите кои два месеци држат под блокада 60 факултети во сите четири универзитетски градови во Србија дека доколку не го исполнат условот за упис во идната година ќе ги загубат стипендиите и местата во студентските домови.
Студентите и одговорија дека не се плашат од никакви финански закани и уцени од исплашената и расклимана влада која од највисокото место доби налог да ги употреби сте механизми и да ја деблокира работата на факултетите во протестот кој одамна се прели надвор од факултетските згради и зафати многу делови од српското општество.
Дека режимот тргна во противофанзива пред се против протестите на студентите и професорите, беше јасно кога по ѕидовите на факултетите ја исцрта својата порака. Наместо црвената шака, која стана симбол на отпорот уште од први ноември, се појави црвена тупаница со испружен среден прст.
Некогаш нарекувана фикус кој успеа да стигне и до премиерската функција, а потоа и до претседател на Парламентот, Ана Брнабиќ денеска стана едно од најубиствените оружја на нејзиниот шеф Вучиќ во вербалната војна против неистомислениците. Овој пат, студентите.
Таа им се закани на повеќе од 100 000 студенти дека ќе го загубат правото на студирање на буџетот – значи на најдобрите студенти, а повеќе од 17 000 од нив и правото на студентски дом.
Таа им се закани и на родителите на студентите дека ќе бидат изложени на дополнителни трошоци, долгови и пропуштени животни прилики поради блокадите „кои ги воведоа некакви пленуми“.
Што се однесува до студентите, тие хорски и порачаа на Брнабиќ и на сите луѓе на режимот дека во моментов не размислуваат за евентуалните последици и дека ги интересира само она за што се борат -правдата. Потсетија на фактот дека и студентите во протестите 1996/1997 го загубија зимскиот семестар, па ги завршија факултетите. Тие рекоа дека заканите ги доживуваат како пукање од празна пушка, затоа што власта сега е најслаба и ги губи конците во рацете.
Заканите од Собранието се препознаваат како уште еден во низата од обидите на власта да ги поколебаат студентите и да ја задушат блокадата. Самите студенти велат дека им се јавиле граѓани кои нудат пари за плаќање на кирии и на режиски трошоци за струја и вода, за да истраат во својата намера.
Навистина е срамно постојано да се заканувате, наместо барањата да се исполнат а институциите да продолжат да ја работат својата работа. Режимската самоодбрана и самозалажување дека наводно сите барања биле исполнети, очигледно не држат вода, а студентите не се заплашени, туку згрозени од ваквото однесување на властите.
Бунтот на студентите стана дел од поширок контекст. И додека Вучиќ во петокот одржа контрамитинг на своите приврзаници во Јагодина, бунтот на студентите се прошири и врз средните училишта, земјоделците, адвокатите и другите професии.
Професорот на филозофскиот факултет во Белград Александар Бауцал рече дека власта ненамерно напарави една суштински важна и добра работа за образованите, иако тоа го направи на погрешен и грд начин.
Успеа да ги поврзе наставниците, учениците и родителите на човечко ниво во одбрана на своите училишта и своето достонство од заробената и злоупотребена држава. Наместо промените да се случеа со поддршка на власта, тие се случија наспротив нив.
Горан Мишиќ, новинар
Слични новости
Делови на Лос Анџелес претворени во пепел, расте бројот на жртвите од пожарите
Пожарникарите веќе петти ден се обидуваат да ги стават под контрола разурнувачките пожари во Лос Анџелес кои досега однесоа најмалку 11 жртви, а околу 180 000 луѓе се евакуирани. Огинот уништи цели станбени населби на Лос Анџелес, меѓу кои и домовите на некои од холивудските филмски ѕвезди.
Во недела се гласа на вториот круг од претседателските избори во Хрватска
На актуелниот хрватски претседател Зоран Милановиќ му недостигаше многу малку за да стигне до над 50 насто од освоените гласови и да победиво првиот круг. Милановиќ доби 49,09 насто од гласовите. За кандидатот на ХДЗ гласаа 19,36 насто од изборачите, а разликата од 30 проценти меѓу двајцата кандидати кои влегуваат во вториот круг е најголема во историјата на Хрватска.
Рекордно жешката 2024., првата што го надмина прагот на затоплување од 1,5 степени Целзиусови
Минатата година беше најтоплата досега забележана и прва што го надмина клучниот праг на глобалното затоплување од 1,5 степени Целзиусови над прединдустриските температури, велат научниците